Gylfi Arnbjörnsson, forseti Alþýðusambands Íslands, hefur send Svandísi Svavarsdóttur umhverfisráðherra hvatningarbréf á loftslagsráðstefnuna í Kaupmannahöfn, þar sem áréttað er hversu brýnt ASÍ telji það vera að ná samkomulagi um loftslagsbreytingar fyrir árslok 2009. Í bréfinu eru stjórnvöld hvött til að styðja tillögur Alþjóðasambands verkalþðsfélaga í tengslum við loftslagsráðstefnuna.

Tillögurnar eru þríþættar:

  • Að metnaðarfullur, bindandi og sanngjarn samningur náist í Kaupmannahöfn.
  • Að samningurinn taki tillit til kröfu launafólks um réttláta aðlögun.
  • Að verkalþðshreyfingin verði viðurkennd sem einn af hagsmunaaðilunum í loftslagsmálum.

Jafnframt óskar ASÍ eftir samvinnu við stjórnvöld við að vekja athygli Íslendinga á loftslagsbreytingum og afleiðingum þeirra.

„Ég fagna því að verkalþðshreyfingin lýsi svo eindregnum stuðningi sínum við að samkomulag náist í Kaupmannahöfn. Verndun umhverfisins er nokkuð sem snertir launafólk beint, þannig að verkalþðsfélög hafa augljósan hag af því að fundurinn hér í Kaupmannahöfn beri ávöxt. Í því markmiði erum við samstiga og ég fagna því að fá þessa hvatningu,“ segir Svandís Svavarsdóttir umhverfisráðherra.

Bréfið sem PDF

Birt:
Dec. 16, 2009
Tilvitnun:
Umhverfisráðuneytið „ASÍ sendir Svandísi hvatningu“, Náttúran.is: Dec. 16, 2009 URL: http://natturan.is/d/2009/12/16/asi-sendir-svandisi-hvatningu/ [Skoðað:July 16, 2019]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Messages: