Líkur eru á að styrkur svifryks verði yfir mörkum í Reykjavík í dag, 13. maí. Svifryksmengunin virðist helst berast til borgarinnar frá meginlandi Evrópu og með sandstormum í nágrenni höfuðborgarsvæðisins. Styrkur ósons (O3) er einnig hár.

Sólarhringsmörk svifryks (PM10) eru 50 míkrógrömm á rúmmetra en hálftímagildið mældist klukkan 11 í dag 165 á Grensásvegi og 138 í Fjölskyldu- og húsdýragarðinum.

Þeir sem eru með viðkvæm öndunarfæri er ráðlagt að taka tillit til þessa. Hægt er fylgjast með styrk svifryks á heimasíðu Reykjavíkurborgar (www.reykjavik.is). Starfað er eftir viðbragðsáætlun Heilbrigðisnefndar Reykjavíkur um loftgæði í borginni. Svifryk má samkvæmt reglugerð nr. 251/2002 fara 12 sinnum yfir heilsuverndarmörk árið 2009.

Styrkur ósons (O3) er einnig hár í dag en það berst frá meginlandi Evrópu. Umhverfisstofnun gefur út frekari tilkynningar um háan styrk ósons samkvæmt reglugerð og veitir nánari upplýsingar.

Viðbragðsáætlun Heilbrigðiseftirlits Reykjavíkur - loftmengun,
www.ust.is
,
Sjá frekari upplýsingar um svifryk
,
Promot - loftgæðaspár fyrir Evrópu.

Birt:
May 13, 2009
Höfundur:
Gunnar Hersveinn
Tilvitnun:
Gunnar Hersveinn „Svifryksmengun í Reykjavík í dag “, Náttúran.is: May 13, 2009 URL: http://natturan.is/d/2009/05/13/svifryksmengun-i-reykjavik-i-dag/ [Skoðað:Dec. 5, 2021]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Messages: