Náttúruverndarsamtök Íslands telja Drög stýrihóps að orkustefnu mikla búbót fyrir umræðu um sjálfbært samfélag á Íslandi. Um tveggja áratuga skeið hefur verið rekin de facto orkustefna; stefna sem þótti svo sjálfsögð að hún var eiginlega ekki til umræðu.

Mikilvægt er að orkustefna feli í sér metnaðarfull markmið um orkusparnað, aukna orkunýtni og að dregið verði úr notkun jarðefnaeldsneytis. Taka verður á þeirri gífurlegu orkusóun sem á sér stað í samgöngum og fiskveiðum. Drögin taka að nokkru leyti á þessu en talsvert skortir á að skýr gögn séu lögð fram og að markmið séu töluleg og tímasett.

Náttúruverndarsamtök Íslands fagna því að í Drögunum er hvergi minnst á hugsanlega/mögulega nýtingu olíu- og gaslinda á Drekasvæðinu.

Náttúruverndarsamtök Íslands telja brýnt að Drög að orkustefnu verði lögð fyrir Alþingi til ályktunar og samþykkis. En betri samþætting við Rammaáætlun og aðgerðaáætlun í loftslagsmálum er nauðsynleg.

Sjá athugasemdir hér.

Birt:
March 1, 2011
Höfundur:
Árni Finnsson
Tilvitnun:
Árni Finnsson „Náttúruverndarsamtök Íslands um Drög að orkustefnu“, Náttúran.is: March 1, 2011 URL: http://natturan.is/d/2011/03/01/natturuverndarsamtok-islands-um-drog-ad-orkustefnu/ [Skoðað:Sept. 21, 2021]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Messages: