Ævintýrahellir, brúðuleikhús, barnakaffihús, sirkussýning og kaffisala er aðeins fátt af því sem í boði er á árlegum jólabasar Waldorfskólans í Lækjarbotnum.
-

Á basarnum verður að venju m.a. til sölu handgerð og náttúruleg leikföng úr ull, viði og öðrum lífrænum efnum. Skólinn fjármagnar starfsemi sína að nokkru leiti á því sem jólabasarinn gefur af sér. Af ágóða síðasta jólabasars var t.a.m. hægt að greiða fyrstu útborgun í nýrri skólarútu sem er nauðsynlegt tæki fyrir skóla sem liggur utan við bæjarmörkin. Börnin eru sótt í bæinn á morgnana og keyrð heim eftir skóla. Skólastarfið í Lækjarbotnum grundvallast á mannspekikenningum Rudolf Steiner.
-
Jólabasarinn verður haldinn laugardaginn 25. 11. 2006 og frá kl. 14:00-17:00. Handverkstæðið í Ásgarði í Mosfellsbæ verður síðan með jólabasar sinn viku seinna eða þ. 02. 12. 2006 einnig kl. 14:00-17:00.

Birt:
Nov. 17, 2006
Tilvitnun:
Guðrún Arndís Tryggvadóttir „Jólabasar Waldorfskólans í Lækjarbotnum“, Náttúran.is: Nov. 17, 2006 URL: http://natturan.is/d/2007/03/19/jolabasar_waldorf/ [Skoðað:Sept. 27, 2021]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
skrifað: March 19, 2007
breytt: Jan. 15, 2008

Messages: