Jarðskjálftahrinan sem varð á litlu svæði á Hellisheiði í síðustu viku er sögð hafa orsakast af vatni sem Orkuveitan dældi niður borholu. Slíkt er talið geta flýtt jarðskjálftum.

Orkuveita Reykjavíkur hefur frá því í september dælt niður afgangsvatni úr Hellisheiðavirkjun í nýlega borholu á svæðinu. Fjölmargir skjálftar hafa mælst á svæðinu síðan þá en þeir náðu hámarki í síðustu viku þegar sterkasti skjálftinn mældist tveir og hálfur á richter. Að sögn Einars Kjartanssonar, jarðeðlisfræðings hjá Veðurstofu Íslands er það vel þekkt að þegar vatnsýrýstingur vex í jarðskorpunni minnkar núningur á sprunguflötum, það geti svo hleypt af stað skjálftum. Einar telur að af þessu stafi ekki hætta.

Einar Gunnlaugsson, á sviði Nýrra virkjana hjá Orkuveitu Reykjavíkur, segir þessa aðferð við að losna við afgangsvatn þá allra bestu sem völ er á.

Ljósmynd: Hellisheiðavirkjun, Guðrún Tryggvadóttir.

Birt:
Nov. 18, 2009
Höfundur:
Tilvitnun:
NA „Afgangsvatn flýtir jarðskjálftum“, Náttúran.is: Nov. 18, 2009 URL: http://natturan.is/d/2009/11/18/afgangsvatn-fytir-jaroskjalftum/ [Skoðað:May 25, 2020]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Messages: