Vistmennt* og Vistbyggðarráð standa saman að málþingi um Vistmennt í arkitektúr og skipulagi, fimmtudaginn 17. mars nk. frá kl. 8:30-11:00 og er haldið í húsakynnum Iðunnar– fræðsluseturs, Skúlatúni 2, Reykjavík

Dagskrá:

8:30- 8:40 Sigríður Björk Jónsdóttir, framkvæmdastýra Vistbyggðarráðs - Hver er sýn Vistbyggðarráðs á menntun til sjálfbærni?
8:40-8:50 Halldór Eiríksson, arkitekt - Hvernig lítur vistvænt Ísland út? Sérstaða Íslands í vistvænu tilliti.
8:50-9:00 Kristín Þorleifsdóttir, landslagsarkitekt og verkefnisstjóri - Vistmenntarverkefnið.
9:00-9:10 Umræður.

Þörfin fyrir vistvænar áherslur

9:10-9:30 Sigurður Eyberg Jóhannesson, umhverfisverkfræðingur - Vistspor Íslands og þáttur mannvirkja í því.
9:30-9:50 Jón Ásgeir Kalmansson, heimspekingur - Siðfræði og sjálfbærni.
9:50-10:00 Umræður
10:00-10:15 Kaffihlé

Umræðuborð – greiningarvinna (10:15-10:45)

  1. Hversu vel er hinn almenni neytandi meðvitaður um umhverfisgæði og vistvænar áherslur?
  2. Hvernig er hið byggða umhverfi meðhöndlað í stefnumótun stjórnvalda á sviði sjálfbærni?
  3. Hver er staðan í vistmennt á mismunandi skólastigum og hvernig getur námsumhverfið endurspeglað vistvænar áherslur?
  4. Hverju skila vistvænar áherslur í grunn- og endurmenntun arkitekta og annarra umhverfishönnuða?
  5. Hvaða þýðingu hafa vistvænar áherslur í grunn- og endurmenntun iðnaðarmanna?

10:45-10:55 Niðurstöður úr hópavinnu kynntar
10:55-11:00 Málþingi slitið

Fundastjóri er Kristín Þorleifsdóttir. Málþingið er öllum opið!

*Nánar um Vistmenntarverkefnið:

Síðastliðið sumar hlaut Arkitektafélagið ásamt 6 samstarfsaðilum myndarlegan styrk til tveggja ára frá Menntaáætlun Evrópusambandsins til þess að þýða og staðfæra námsefni í tengslum við sjálfbæran arkitektúr og skipulag en auk Arkitektafélagsins standa Listaháskólinn, Iðan, Tækniskólinn, danska arkitektafélagið, rannsóknarstofnun byggingariðnaðarins í Danmörku (SBI) og breska ráðgjafafyrirtækið Genex að verkefninu. Námsefnið verður sérstaklega ætlað nemendum í byggingartengdum iðngreinum en einnig sem innlegg í endurmenntun arkitekta og annarra umhverfishönnuða og fólks í byggingargeiranum. Þessi málstofa  er liður í að meta þörfina fyrir slíkt námsefni á Íslandi en gert er ráð fyrir að námsefnið verði tilbúið til prófunar á vormisseri 2012 og muni hafa mótandi áhrif á menntun þeirra sem starfa og/eða munu í framtíðinni starfa í  umhverfishönnunar- og byggingargeiranum og þar með gæði hins byggða umhverfis í framtíðinni.

Birt:
March 15, 2011
Tilvitnun:
Kristín Þorleifsdóttir „Vistmennt í arkitektúr og skipulagi“, Náttúran.is: March 15, 2011 URL: http://natturan.is/d/2011/03/15/vistmennt-i-arkitektur-og-skipulagi/ [Skoðað:Nov. 21, 2019]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
breytt: March 16, 2011

Messages: