Til stendur að kortleggja í smáatriðum landslag á Suðurskautslandinu í fyrsta sinn. Hópur rannsóknarmanna er á leið sinni til Suðurskautslandsins þar sem þeir hyggjast eyða fjórum árum í að kanna landið sem liggur falið undir íshellu.

Ómsjár verða notaðar til verksins og vonast er til að kortleggja samsetningu jarðvegsins undir ísnum. Til að gefa einhverja hugmynd um stærð svæðisins þá er það á við hálf Bandaríkin.

Rannsóknin kostar 3 milljónir punda og er fjármögnuð af Bretum, Áströlum og Bandaríkjamönnum. Niðurstöður hennar munu hjálpa vísindamönnum að skilja hvernir loftslag jarðar hefur breyst á undanförnum þúsöldum og spá fyrir um breytingu á sjávarmáli.

Ísinn á Suðurskautslandinu er talinn vera um 5 km þykkur þar sem hann er þykkastur.

BBC greindi frá.

Mynd: Suðurskautið
Birt:
Oct. 29, 2008
Höfundur:
Viðskiptablaðið
Tilvitnun:
Viðskiptablaðið „Landið undir ísnum kortlagt“, Náttúran.is: Oct. 29, 2008 URL: http://natturan.is/d/2008/11/01/landio-undir-isnum-kortlagt/ [Skoðað:July 17, 2019]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
skrifað: Nov. 1, 2008

Messages: