Hinn vinsæli jólabasar Waldorfskólans í Lækjarbotnum verður haldinn nú á laugardaginn þann 26. nóvember, klukkan 14:00 - 17:00. Í boði eru handgerðir hlutir úr náttúrulegum efniviði unnin af nemendum skólans og aðstandendum þeirra. Má þar nefna t.d. jólaseríur, púsl, dúkkuhús, dúkkur, rótarbörn, dverga, ávexti og grænmeti, kúluspil, ýmislegt annað þæft handverk og tréleikföng. Basarinn er árlega viðburður til styrktar starfsemi skólans og kjörið tækifæri til að versla fádæma falleg leikföng í jólapakkana. Einnig er kökubasar og kaffisala. Allir eru hjartanlega velkomnir.

Á myndinni eru nokkur börn úr öðrum til þriðja bekk að ljúka við ávaxta- og ostaframleiðsluna í ár.

Ljósmynd: Sólveig Þorbergsdóttir

Birt:
Nov. 24, 2005
Tilvitnun:
Guðrún Arndís Tryggvadóttir „Jólabasar Waldorfskólans Lækjarbotnum“, Náttúran.is: Nov. 24, 2005 URL: http://natturan.is/d/2007/03/22/jolabasar_waldorfs/ [Skoðað:Oct. 7, 2022]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
skrifað: March 22, 2007
breytt: May 4, 2007

Messages: