Fyrstu helgina í október mun Umhverfisstofnun taka þátt í tveggja daga alþjóðlegum viðburði þar sem sjálfboðaliðar í náttúruvernd koma saman og láta gott af sér leiða undir yfirskriftinni The Big Green Weekend.
Það er CVA (Conservation Volunteers Alliance) sem stendur fyrir þessum atburði og er það í annað sinn sem viðburðurinn fer fram í Evrópu.

Umhverfisstofnun er ein af stofnendum CVA og hefur stofnunin áhuga á að efla íslenskt sjálfboðaliðastarf með því að óska eftir að íslensk náttúruverndarsamtök taki þátt í verkefninu.

Markmið með Grænu helginni (The Big Green Weekend) er m.a. að vinna saman í þágu náttúruverndar, efla samstarf milli hópa, að kynnast sjálfboðaliðastarfi annarra og síðast en ekki síst ræða saman um náttúruvernd á Íslandi.

Sjálfboðaliðum verður skipt í 4 hópa sem munu vinna sjálfboðaliðastörf á friðlýstum svæðum í eða í nágrenni Reykjavíkur. Hver hópur verður með liðstjóra sem eru annað hvort landverðir eða verkstjórar í náttúruvernd (sjálfboðaliðar).

Verkefnin eru:

  • Eldborg í Bláfjöllum: Afmörkun göngustíga og endurheimt mosagróðurs.
  • Háubakkar: Hreinsun svæðis.
  • Rauðhólar: Lagfæring girðingar umhverfis svæðis og hreinsun þess.
  • Laugarás: Göngustígagerð, hreinsa gróður af klöppum (í samráði við jöklafræðing).
  • Reykjanesfólkvangur: Hreinsun svæða og endurheimt mosagróðurs við Leiðarenda.
  • Sjálfboðaliðar verða hvattir til að taka ljósmyndir af svæðinu sem þeir vinna á, áður en hafist er handa, meðan á vinnu stendur og eftir að úrbótum lýkur. Á sunnudeginum kynna síðan hóparnir verkefni sín og niðurstöður í máli og myndum.

Sjá nánar á vef Umhverfisstofnunar.

Ljósmynd: Rauðhólar og blóðberg, ljósm. Árni Tryggvason.

Birt:
Oct. 3, 2012
Höfundur:
Eydís Franzdóttir
Uppruni:
Umhverfisstofnun
Tilvitnun:
Eydís Franzdóttir „Sjálfboðaliðar óskast fyrir Grænu helgina“, Náttúran.is: Oct. 3, 2012 URL: http://natturan.is/d/2012/10/03/sjalfbodalidar-oskast-fyrir-graenu-helgina/ [Skoðað:Dec. 8, 2019]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Messages: