Lóan er komin. Á fuglar.is segir:

Stök heiðlóa sást við Útskála í Garði nú í dag.  Þessi fugl er mun fyrr á ferðinni en hefðbundið er fyrir vorkomu heiðlóa og allt eins mögulegt að þarna sé um að ræða fugl sem verið hefur í vetursetu hérlendis.

Lóan hefur lengi verið okkar helsti vorboði. Sagt er í þekktu ljóði að hún komi og kveði burt snjóinn og leiðindin en lóan hefur oft verið yrkisefni skálda. Lóan er algengur varpfugl hér á landi og er stofn hennar sterkur. Hún er farfugl og sjást fyrstu lóurnar oftast í lok mars eða byrjun apríl. Hún heldur sig að fyrstu við ósar og ár en kjörlendi lóunnar eru móar og melir þar sem hún verpir. Sagt er að hegðun lóunnar geti sagt til um veður.

Teikning: Lóa, eftir Jón Reykdal, sem lést fyrr á árinu.

Birt:
13. mars 2013
Uppruni:
Náttúran.is
Tilvitnun:
Guðrún Arndís Tryggvadóttir „Lóan er komin“, Náttúran.is: 13. mars 2013 URL: http://natturan.is/d/2013/03/13/loan-er-komin/ [Skoðað:23. mars 2017]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Skilaboð: