Náttúran.is

Hver á íslenska náttúru?

Kálver í Ölfusið

Myndin sem, Guðrún Tryggvadóttir tók, er af lífrænt ræktuðu káli í Skaftholti í Gnúpverjahreppi. Álver á Suðurlandi mundi hafa óbætanleg eyðileggjandi áhrif á landbúnað á svæðinu. Hugmynd og texti á plakati koma frá Einari Bergmundi.

Áhugahópur um verndun Jökulsánna í Skagafirði - Skín við sólu.

Landsvirkjun styrkir Örkina hans Ómars

Landsvirkjun hefur veitt kvikmyndaverkefni Ómars Ragnarssonar, Örkinni fjögurra milljón króna styrk. Verkefnið snýst um það að gera heimildarmynd um fyllingu Hálslóns en Landsvirkjun hefur nú þegar látið gera heimildarmynd um mannvirkjagerð Kárahnjúkavirkjunar en það verkefni kostaði Landsvirkjun um 60 milljónir króna. Kostnaðráætlun Ómars fyrir verkefnið Örkina hljóðar upp á 20 milljónir og sótt hafði verið um 12 milljónir til Landsvirkunar fyrir verkefnið. En eins og Ómar og aðrir frumkvöðlar sem fara sínar eigin leiðir á Íslandi vita, er ómæld vinna og þolinmæði fólgin í því að sækja um fjármagn til verkefna. Hvert skref er því stórsigur í sjálfu sér. Greinarhöfundur óskar Ómari til hamingju með styrkinn. Til að skoða eldri fréttir sem varða Ómar Ragnarsson, Landsvirkjun, Kárahnjúkavirkjun eða annað sem lesendum þykir áhugavert, þá sláið inn leitarorð hér á leitarvél Náttúrunnar.
Sjá vef Ómars Hugmyndaflug.is

ABC sjónvarpsstöðin velur 7 ný undur veraldar

Íslensku jöklarnir og eldfjöllin, Internetið, elsti hluti Jerúsalem, Kóralrif við Hawaii, Maasai Mara þjóðgarðurinn í Kenía, Potala-höllin í Tíbet og Maja-píramídarnir í Mexíkó hafa verið útnefnd sem hin sjö nýju undur veraldar af ABC sjónvarpstöðinni (sjá vefsíðu ABC). Jónína Bjartmarz minntist á útnefninguna á málþinginu „Er sátt í sjónmáli“ hjá Samtökum Iðnaðarins í gær og sagði að henni hafi ekki komið útnefningin að óvörum og væru þó mjög ánægjuleg sérstaklega vegna þess að ráðgjafanefnd um stofnun Vatnajökulsþjóðgarðs hefur skilað niðurstöðu (sjá frétt á vef Umhverfisráðuneytisins) og nýbúið er að samþykkja frumvarp um Vatnajökulsþjóðgarð (sjá frétt á vef Umhverfisráðuneytinsins).
-
Myndin er tekin við Jökulsárlón þ. 21. 08. 2006. Ljósmynd: Guðrún Tryggvadóttir.