Fréttir

Álver í Helguvík út úr kortinu?

Á undanförnum dögum hefur hver fréttin af annarri dunið á varðandi leyfisvæntingar, orku og flutningsleiðir fyrir áformað álver í Helguvík. Yfirlýsingar um að framkvæmdir væru í þann mund að skella á hafa verið gagnrýndar og rök færð fyrir því að alls ekki sé allt klárt í því sambandi. Vegur þar hvað þyngst að Landvernd kærði ákvörðun Skipulagsstofnunar um að ekki þyrfti að meta umhverfisáhrif af framkvæmdum í einu lagi og hefur farið fram á að heildarmat verði gert á áætluðum framkvæmdum.

Fari svo að umhverfisráðuneytið fallist á kæru Landverndar um heildarmat gæti það sett strik í reikninginn. Aðstandendur síðunnar www.hengill.nu, sem sett var upp til að bjargar Ölkelduhálsi og nágrenni, hafa sent frá sér áskorun þar sem skorað er á umhverfisráðherra að sjá til þess að framkvæmt verði heildstætt umhverfismat fyrir álver í Helguvík og allar tengdar framkvæmdir að Bitruvirkjun meðtaldri. Er vísað í kæru Landverndar þar að lútandi og hún þannig ítrekuð.

Bergur Sigurðsson framkvæmdastjóri Landverndar segir í viðtali við 24 stundir í dag að það vanti 60% orkunnar og forsendur varðandi orku til álvers í Helguvík standist því ekki. Forsendurnar sem Norðurál gaf sér varðandi orkuöflun og orkuflutninga fyrir álverið í Helguvík standast engan veginn að mati Bergs. Bergur segir ennfremur að Hitaveita Suðurnesja oog Orkuveita Reykjavíkur hafi gert samning við Norðurál um að útvega hluta af orkunni sem álverið þarf.


Af þeim 435 megavöttum sem gert er ráð fyrir í áliti Skipulagsstofnunar um umhverfisáhrif álversins sé aðeins hægt að tryggja 100-150 megavött ef sveitarfélögin eiga ekki að gera skipulagsbreytingar sem mörg eru á móti. Hitaveita Suðurnesja geri m.a. ráð fyrir orku frá Krþsuvík. Virkjanasvæðin þar eru í landi Suðurlinda sem eru í eigu Hafnarfjarðar, Grindavíkur og Voga. Bæjarstjórarnir þrír hafa skrifað undir viljayfirlýsingu með það markmið í huga að standa vörð um náttúruauðlindir á svæðinu, þar með talinn nýtingarrétt hvers sveitarfélags fyrir sig. Þar eru þá dottin út 100 megavött að mati Bergs. Frá Orkuveitu Reykjavíkur eiga að koma 175 megavött en aðeins hefur verið samið um 100. Landsvirkjun hefur ennfremur gefið út yfirlýsingu um að hún selji ekki orku til nýrra álvera á SV-horninu og stendur án efa við þær yfirlýsingar sínar.

Þar sem jarðstrengur yrði of dýr og aðliggjandi sveitarfélög vilja ekki sjá frekari raflínur er ljóst að flutningsleiðir eru í algeru uppnámi. Þrátt fyrir allt þetta koma yfirlýsingar frá framkvæmdaaðilum og bæjarstjóra Reykjanessbæjar æ ofan í æ um að allt sé að skella á en það verður að teljast einstaklega furðulegt og byggt á bjartsýninni einni saman. Það er í raun virðingarvert að vera bjartsýnn en það er ekki skynsamlegt af Helguvíkurmönnum að hinkra ekki við með stóru yfirlýsingarnar þangað til málið hefur gengið í gegnum það feril sem lög gera ráð fyrir. Annað lyktar af gömlum tímum þar sem allt var keyrt í gegn með þeirri vissu að réttir menn væru á réttum stöðum til að toga í rétta spotta á réttum tíma, jafnvel fyrir rangar ákvarðanir.

Ljósmynd: Guðrún Tryggvadóttir.



Guðrún Arndís Tryggvadóttir
22. feb. 2008 07:58
Uppruni: Náttúran.is
til baka

Sjá tengt lesefni og tilvísanir í Grænar síður hér til hægri.


Deildu með vinum

Orð í belg

Guðmundur E.Jóelsson - sunnudagur 24. febrúar, 2008 klukkan 00:27:02

Nei Álver í Helguvík er ekki út af borðinu ,látið ykkur ekki detta í hug að þó að Ingibjörg Sólrún sé að tauta eitthvað að það verði hætt við þegar svo stutt er eftir og það er mikið í húfi fyrir okkur suðurnesjamenn og ég tala nú ekki um landið í heild þetta kjaftæði um mikinn samdrátt er ekki rétt þó einhver samdráttur gæti orðið.

1 orð í belg

Leggðu orð í belg

Nafn:

Orð í belg:


Vinsamlega reiknið dæmið hér að ofan og setjið niðurstöðuna í reitinn.
Gert til að tryggja mannlegan uppruna orðanna.

Öllum er frjálst að skrifa undir nafni eða dulnefni að eigin ósk. Hugmyndin er að þetta sé vettvangur jákvæðrar og málefnalegrar umræðu um dægurmál, vörur, þjónustu og leiðir til að skapa betra umhverfi okkur öllum til handa. Ritstjórn Náttúrunnar áskilur sér allan rétt til að fjarlægja óviðurkvæmileg orð í belg að hluta eða öllu leyti. IP-tölum höfunda er haldið til haga.
Flokkar:

Náttúrumarkaður

Hvernig versla ég á Náttúrumarkaði?
  • Vörur
  • Deildir
  • Karfa
  • Vöruleit
  • Viðmið
  • Skilmálar
Indicator

Tengt lesefni:

Samfélagið: Stjórnsýsla [162]

Samfélagið: Umhverfismál [1272]

Tækni: Orka og eldsneyti [212]

Umhverfið: Náttúruspjöll [170]

: Áliðnaður [52]

Grænar síður:

Stjórnsýsla [4]

Umhverfismál [36]

Orka og eldsneyti [34]

Náttúruspjöll [2]

Nýleg orð í belg

Göngum gegn Monsanto
Göngum gegn Monsanto á laugardaginn kl. 17:00 http://www.facebook.com/events/371999209586441/?notif_t=plan_user_invited
Guðrún Tryggvadóttir 23. 05. 2013 21:16:
Spergilkál
Sæl aftur. Í lífrænni ræktun er talað um að „rækta moldina“ þ.e. að hlúa það ...
Guðrún Tryggvadóttir 21. 05. 2013 20:25:
Grænkál og hvítkál
Sæl, það er auðvelta að sá til allra jurta. Aðstæður og tími þarf bara að ...
Guðrún Tryggvadóttir 21. 05. 2013 20:21:
Spergilkál
Þarf brokkoli einhverja sérstaka næringu þegar það er komið út í beð og þá hvað ...
Hildur María 21. 05. 2013 18:59:
Grænkál og hvítkál
Er auðvelt að fá grænkál upp af fræjum eða er best að kaupa plönturnar tilbúnar? ...
Hildur María 21. 05. 2013 18:53:
18 styrkjum úthlutað til verkefna sem beinast að nýtingu innlendra orkugjafa og hagkvæmri orkunotkun
Sæll Jóhannes. Umhverfisverndarsinnar erum við öll sem látum okkur umhverfið varða í verki. Ætli nokkur ...
Guðrún Tryggvadóttir 6. 05. 2013 15:13:
18 styrkjum úthlutað til verkefna sem beinast að nýtingu innlendra orkugjafa og hagkvæmri orkunotkun
Í Grímsey eru keyrðar disilvélar til raforkuframleiðslu. Orka sem slíkar vélar skila frá sér er ...
Jóhannes Gíslason 5. 05. 2013 18:38:
Frá vitund til verka - Bill McKibben með fyrirlestur í Norræna húsinu
Breytt hefur verið um fundarstað vegna mikils áhuga á fyrirlestrinum og verður hann nú haldinn ...
Guðrún Tryggvadóttir 4. 05. 2013 22:09:
X13 Umhverfisvernd - Svör stjórnmálahreyfinga við spurningum umhverfisverndarsamtaka og Náttúran.is
Fulltrúar framboða til Alþingiskosninga mætast í sjónvarpssal og ræða umhveris- og auðlindamál núna nú kl. ...
Guðrún Tryggvadóttir 16. 04. 2013 19:33:

Fréttir frá:

Náttúran.is á Facebook.