Náttúran.is

Kyrrðardagar í Hveragerði

Kyrrðardagar verða haldnir í Heilsustofnun Náttúrulækningafélags Íslands í Hveragerði dagana 15. - 22. desember og eru hugsaðir fyrir alla þá sem vilja sinna andlegri og líkamlegri heilsu sinni og fá skjól til að rækta sinn innri mann.

Kyrrðardagar leggja rækt við tækifærin sem hverjum og einum standa opin til að vaxa sem hamingjusöm, heilbrigð, gefandi og góð manneskja. Kyrrðardagar eru skjól fyrir asa og áreiti sem sölumennskan kringum jólin hefur skapað.

Innifalið á námskeiði og dagskrá:
Ljúffengur og hollur matur – allir málsverðir
Aðgangur að sundlaugum og baðhúsinu Kjarnalundi
Aðgangur að líkamsrækt og skipulagðri göngu

Opin dagskrá:
Samverustund - Hugleiðing - Bæn og íhugun í þögn
Yoga - Qigong - Hlustunarhópar - Messa
Leikfimi - Slökunartímar - Fræðslufundir

Leiðbeinendur eru Haraldur Erlendsson yfirlæknir og Pétur Pétursson guðfræðiprófessor auk sérhæfðra leiðbeinenda og ráðgjafa á hinum ýmsu sviðum

Nánari upplýsingar á vef HNLFÍ.

Einstök heilsuhelgi

Heilsuhelgin „Healing the healers“ hefur verið haldin árlega sl. 7 ár, að einu ári undanskildu, á Hótel Kríunesi við Elliðavatn. Heilsuhelgin hefst föstudaginn 5. október kl. 17 og lýkur sunnudaginn 7. október kl. 11:00.

Þar mætast heilbrigðisstarfsmenn, meðferðaraðilar, fagaðilar og áhugafólk til að fjalla um heilsu og vellíðan og næra sál og líkama. Á meðal þáttakenda í ár eru genalíffræðingurinn John Wong frá Singapore. Hann veiktist ungur og lamaðist frá hálsi og  niður og varð auk þess blindur. Hann var ekki talinn  eiga neina möguleika á að læknast en í rólegheitunum tók hann málin í sínar hendur og mun segja frá reynslu sinni á Heilsuhelginni. 

Rick Patterson predikari frá Bandaríkjunum er kraftmikill fyrirlesari og heilari sem heimsækir heilsuhelgina í fjórða sinn til að deila þekkingu sinni og lífsviðhorfum.

Þáttakendur heilsuhelgarinnar hlýða ekki einvörðungu á fyrirlestra heldur bregða á leik með gleði, Qigong æfingum og prófa meðferðir hvert á öðru. Sjá nánar um dagskrána á heilsuhelgi.com.

Allir sem áhuga hafa á heilsu og vellíðan eru velkomnir að taka þátt. Nánari upplýsingar um námskeiðsgjöld og skráningar í síma 8987522

Fyrstu sjö æviárin

Eðlilega upplifum við hverja fæðingu sem nýja byrjun. Og öll höfum við hafið lífsbraut okkar sem lítið barn. En er það ekki grípandi þetta augnatillit sem getur mætt okkur, þegar lítið barn horfir beint í augu okkar? Svo mikil alvara, slíkur þroski og íhygli er mætir okkur. Ég upplifi oft á slíku augnabliki sterka andlega nærveru, já eiginlega égkraft. Og þá er fyrir mér staðfest, að einstaklingseðli mannsins, það verður ekki fyrst til með fæðingunni til þess að þroskast síðan smám saman, nei, það er með frá byrjun. Þegar manneskja fæðist, þá kemur hún einhversstaðar frá, úr andlega heiminum. Einstaklingseðli mannsins stígur þá niður úr heimi, sem er gjörólíkur hinum efnislega hversdagsheimi. Í andlega heiminum er allt eining, allt eftirtekt, þýðing og skilningur. Þú ert það sem þú upplifir, þú ert algjörlega inni í því sem þú mætir, umgengst með. Í andlega heiminum er hið sanna ég mannsins og allar mætingar við aðrar verur eru hinar innilegustu beinu égupplifanir.

Ég reyni að lýsa þessu vegna þess að slíkir eiginleikar og kraftar eru enþá virk í litla barninu. Barnið litla hefur rétt yfirgefið þetta andlega svið, en sem áhrif afla er það enn að finna umhverfis það. Þessi andlegi égkraftur líkt og geislar inn í litla barnið og gerir að barnið leitar fyrst og fremst með athygli sinni til annarra égvera, á mjög ákafan en einnig afar mismunandi hátt til að geta fundið það mikilvæga. Og hamingjusamt bros, svarar brosi okkar, þegar við full gleði mætum þessari ætlan. Þessi andlegi égkraftur veitir síðan eftirtekt hvernig við hreyfum okkur, hvernig við stöndum og göngum. Athygli þýðir ávallt, að maður vill verða hluti þess sem vekur athyglina, maður tengist því, reynir að verða eins. Barnið líkir eftir, það hermir segjum við, en eiginlega gerir það áfram eins og það gerði í andlega heiminum, þar sem maður er það sem maður veitir athygli. Þannig lærir barnið málið, með því að ,,bráðna inn“ í það sem við segjum, láta það verka í sér, láta hljóðin móta talfærin, vöðvana í barkakýlinu, sem geta síðan virkað eins og þeir gera hjá fullorðnum. Og þegar barnið lærir málið og síðan hugtökin, lærir að hugsa, þá gerist það ekki þannig að maður verði fyrst að þekkja bókstafina, til að tengja þá síðan saman í orð og setningar. Nei, því er öfugt farið. Eiginlega ætti maður að reyna að skilja að litla barnið skilur allt, eins og það þekkir allt, til þess að fara síðan að aðgreina meira og meira. Fyrst andlega meiningin í aðstæðunum, síðan einstök setning, til að skilja að lokum einstök orð og einstaka reynslu. Úr hinu alltumlykjandi til hins meira sérhæfða.

Vorhreingerningar og jógakennaranám með Kristbjörgu

Kristbjörg Kristmundsdóttir jógakennari með meiru heldur jógakennaranámskeið í Bláfjöllum dagana 2.- 13. ágúst.

Kristbjörg býður einnig til „Vorhreingerningar“ dagana 16. maí - 30. maí en hún hún kallar það „listina að detoxa á auðveldan og léttan máta með gleði og krafti“.

Vorið er rétti tíminn til að hreinsa líkamann með breyttu mataræði og jafnvel föstu fyrir þá sem eru tilbúnir að fara svo langt undir leiðsögn Kristbjargar. Föstunámskeið hefst í Gerðubergi þ. 16. maí, kl 19.00 - 21.00, og verður haldið á miðvikudagskvöldum og stendur í 3 vikur.

Fjallað verður um ýmsar gerðir föstu án þess að fara á vatns föstu. Kristbjörg mun hjálpa þátttakendum að finna auðvelda og létta föstu sem henntar þeim sérstaklega, fjalla um þau atriði sem eru lífsnauðsynleg á föstunni og svo listina að brjóta föstuna aftur. Einnig fjallar hún um hvað gerist eftir föstuna, hvernig gott er að halda líkamanum hreinum og kraftmiklum á matnum sem við setjum í okkur og ýmsu öðru. Jóga og öndun verða með í för, svo og íslenskir blómadropar.

Skráning og nánari upplýsingar hjá Kristbjörgu á netfanginu kristbjorg@kristbjorg.is og í síma 861 1373.

Ljósmynd: Kristbjörg Kristmundsdótir kynnir blómadropana sína, ljósm. Guðrún A. Tryggvadóttir.

Jóga að hefjast hjá Kristbjörgu

Kristbjörg Kristmundsdóttir blómadropaþerapisti og jógakennari með meiru er að fara af stað með jóganámskeið vetrarins.

Jóga frá og með 19. september:

Jógatímarnir vinsælu eru haldnir í Gerðubergi á mánudögum og miðvikudögum frá kl. 17:15 til 18:30 og hefjast þ. 19. september.

6 vikna Yamajóga námskeið frá 21. til 26. september:

Yama jóga námskeið er haldið í Gerðubergi á miðvikudögum frá kl 18:45 til 21.00 og hefst 21. þ. september. Þetta er ekki jóga á dýnu heldur sjálfsvinnuprógram þ.e.a.s. við erum að skoða okkur sjálf í samskiptum okkar við aðra og okkur sjálf. Kristbjörg fer djúpt í yömurnar og 12 spora kerfið ásamt fleiru. Þetta er grunnnámskeið en í framhaldinu verða síðan haldin Niyama- og Bhakti jóga námskeið. Í yama jóga er gert ráð fyrir að nemandinn vinni fjölbreytt heimaverkefni ásamt því að anda og hugleiða eftir ákveðinni tækni sem Kristbjörg mun kenna á námskeiðinu. Þetta námskeið hefur hjálpað mörgum að taka til í lífi sínu og bæta andlegu líðan sína. Margir öðlast frelsi frá ýmsu sem þjakaði þau áður.

Umbreyting og Orka í Bláfjöllum 7. - 9. október:

Þetta námskeið er fyrir þá sem vilja kafa djúpt í gegnum líkamann sinn, við gerum mikið jóga, dönsum, hugleiðum, vinnum tifinningavinnu, slökum, nærum okkur og skoðum samhengi lífsins á þessu námskeiði.

Kristbjörg óskar þess að haustið blessi ykkur með sínum fallegu gjöfum og að þið blómstrið sem aldrei fyrr.

Skráning og nánari upplýsingar hjá kristbjorg@kristbjorg.com.

Ljósmynd: Kristbjörg að kynna blómadropana sína, ljósm. Guðrún A. Tryggvadóttir