Náttúran.is

Heilsulandið Ísland - tækifærin framundan

Ráðstefna á vegum Samtaka um heilsuferðaþjónustu verður haldin á Icelandair hótel Reykjavík Natura, þriðjudaginn 13. nóvember 2012. Opnað kl 8:30 og dagskrá er frá kl. 9:00 til 16:30. Ráðstefnan er opin öllum.

Dagskrá:

• Setning ráðstefnunar, ávarp formanns samtakanna Dagnýjar Pétursdóttur
• Ávarp Magnús Orri Schram, alþingismaður og fyrrverandi formaður samtakanna
• The landscape of health tourism and global trends - László Puczkó, Lecturer in Tourism Management, Head of the Tourism and Catering Institute at the Budapest College of Business, Communication
• The future of health tourism and the opportunities facing Iceland as a health tourism destination - László Puczkó
• Creating Contemporary Health Tourism Destinations. Constantine Constantinides, M.D., Ph.D. Chief Executive, HealthCare cybernetics, Greek/UK Hádegisverður 12:30-13:30
• Rannsóknir í heilsuferðaþjónustu - Edward Huijbens, forstöðumaður Rannsóknarmið- stöðvar ferðamála
• Nýting jarðhitans, reynsla, möguleikar og staðan í dag Anna G. Sverrisdóttir, ráðgjafi
• Áhrif vísinda- og rannsóknarstarfsemi á samkeppnisstöðu Dagný Pétursdóttir, framkvæmdastjóri Bláa Lónsins
• Skoðun HNLFÍ á möguleikum innan heilsuferðaþjónustu Ólafur Sigurðsson, Viðskiptaþróun NLFÍ
• Skapa nýjar samþykktir EU okkur frekari möguleika? Gunnar Alexander Ólafsson, Velferðarráðuneytinu
• Lækningatengd ferðaþjónusta, draumsýn eða veruleiki? Kristinn Ólafsson, framkvæmdastjóri Sjónlags

Pallborð – almennar umræður- sóknarfærinn framundan.
Ráðstefnustjóri: Hermann Ottósson, Íslandsstofu.
Sjá nánar um ráðtefnugjöld og skráningu á icelandofhealth.is

Byggingar, inniloft og heilsa

Tilefni þessa málþings er vakning á mikilvægi heilnæms innilofts. Aðilar sem láta sig málið varða hafa ákveðið að stofna Íslandsdeild ISIAQ (International Society of Indoor Air Quality), IceIAQ .Tilgangur IceIAQ  er að vera leiðandi í því að kynna mikilvægi loftgæða innandyra. Mikilvægi sem byggir á vísindalegri þekkingu og viðurkenndu stjórnsýslu- og lagaumhverfi. Markmið og tilgangur IceIAQ er eftirfarandi:

• Hvetja til umbóta í málefnum loftgæða innandyra og stuðla þannig að því að byggingar séu ekki heilsuspillandi og hefti ekki lífsgæði eða vellíðan almennings hvort sem er á eigin heimili, vinnustað, skóla eða opinberri stofnun.
• Stuðla að samvinnu við erlend sambærileg félagasamtök, ISIAQ og erlendar deildir innan ISIAQ.
• Stuðla að vexti og viðgangi alþjóðasamtakanna ISIAQ.
• Styðja við faglega umræðu um málefni loftgæða innandyra á meðal heilbrigðisstétta, vísindamanna og aðila innan byggingariðnaðarins.
• Stuðla að uppfræðslu almennings um mikilvægi loftgæða innandyra.
• Fá ólíkar stéttir og hagsmunaaðila til þess fjalla um loftgæði í byggingum.
• Hvetja stjórnvöld til þess að setja lög og reglugerðir sem stuðla að bættum loftgæðum innandyra  og öflugri neytendavernd.

Umhverfi okkar á sinn þátt í  vellíðan, lífsgæðum og þróun sjúkdóma.  Fólk á norðlægum slóðum ver um 90% af tíma sínum innandyra og því er inniloft  stór hluti af okkar umhverfi. Rannsóknir hafa sýnt að ýmis öndunarfæraeinkenni, bólgusvörun og fleiri einkenni og kvilla megi rekja til óheilnæms innilofts. Það er ýmislegt í innilofti sem þarf að huga að, loftskipti, raki, hitastig og agnir, hvort sem þær eru af lífrænum uppruna eða frá tilbúnum efnum. Það eru mikil verðmæti fólgin í því að loftgæði í byggingum séu góð. Bæði heilsufarsleg fyrir einstaklinga og ekki síst fyrir vinnuveitendur og menntastofnanir.

Dæmi eru um að þegar loftskipti eru bætt og rakavandamál löguð aukast afköst starfsfólks í vinnu. Einnig dregur verulega úr tíðni fjarvista. Loftgæði í skólum skipta einnig miklu máli fyrir vellíðan, afköst og viðveru nemenda og kennara.

Ástand innilofts ræðst af því hvernig byggingarnar okkar eru hannaðar, byggðar, hvert er efnisval byggingarefna, innréttinga, húsgagna og lifnaðarháttum þeirra sem þar dvelja.

Dagskrá

13:00–15:00 Fundarstjóri Sigurður Guðmundsson, forseti Heilbrigðisvísindasviðs HÍ

• 13:00-13:10 Setning: Þorsteinn Ingi Sigfússon forstjóri Nýsköpunarmiðstöðvar
• 13:10-13:30 Sylgja Dögg Sigurjónsdóttir BSc líffræði, meistaranemi í lýðheilsuvísindum við HÍ
• Inniloft og heilsa, stofnun IceIAQ.
• 13:30-14:10 Matthias Braubach sérfræðingur Alþjóðaheilbrigðisstofnunin (WHO - Leiðarvísar frá WHO um inniloft, raka og myglu og önnur efni  með tilliti til heilsu.
• 14:10-14:30 Guðríður Gyða Eyjólfsdóttir sérfræðingur hjá Náttúrufræðistofnun Íslands - Sveppir í íslenskum húsum, tegundir og helstu búsvæði þeirra
• 14:30-14:50 Davíð Gíslason  sérfræðingur í lyf- og ofnæmislækningum - Yfirlit um tíðni rakaskemmda og tengsl við öndunarfæraeinkenni
• 14:50-15:10 Michael Clausen sérfræðingur í barna – og ofnæmislækningum - Mygla og öndunarfæraeinkenni hjá börnum
• 15:10-15:30 Umræður

Kaffi 15:30-15:50 15:50 – 18:00 Fundarstjóri Maríus Þór Jónasson M.Sc. í Framkvæmdastjórnun, Byggingartæknifræðingur B.Sc.

• 15:50-16:05 Björn Karlsson  forstjóri Mannvirkjastofnunar - Ný mannvirkjalög, ný byggingarreglugerð og kröfur um loftgæði
• 16:05-16:20 Björn Marteinsson sérfræðingur hjá Nýsköpunarmiðstöð Íslands - Leki, loftraki og rakaskemmdir
• 16:20-16:35 Jóhannes Helgason sérfræðingur hjá Vinnueftirlitinu - Inniloft á vinnustöðum á íslandi: Yfirlitsfyrirlestur um aðkomu Vinnueftirlitsins að inniloftsmálum
• 16:35-16:50 Vanda Úlfrún Liv Hellsing  sérfræðingur á sviði umhverfisgæða hjá Umhverfisstofnun - Loftgæði í grunnskólum Reykjavíkur.
• 16:50-17:05 Benedikt Þorri Sigurjónsson meistaranemi í heilsuhagfræði við HÍ - Raki í húsnæði á íslandi og heilsufarsleg tengsl, EUSILC gögn.
• 17:10-17:20 Magnús Jensson arkitekt - Veðurbyggingar
• 17:20-17:30 VSÓ ráðgjöf - Byggingar og inniloft
• 17:30-17:40 Haukur Örn Birgisson hæstaréttarlögmaður hjá Ergo lögmönnum - Réttarstaða kaupenda vegna leka- og rakavandamála í fasteignum
• 17:40 Umræður

Heilsa og hamingja í Smáralind

Sýningin Heilsa & hamingja verður haldin í Smáralind, dagana 25. - 27. mars. Á sýningunni munu sérfræðingar, um bætta líkamlega og andlega heilsu gefa góð ráð. Aðgangur á sýninguna er ókeypis og hún er fyrir alla. Sýningin verður glæsileg og ótrúlega margt spennandi að sjá og prófa og skoða og smakka.

Fjöldi sýnenda taka þátt en þeir eru:
Young Living, actavis, iRobot, Á næstu grösum, Móðir jörð, Andra, Heilsustöðin, Lifðu lífinu, Atlas göngugreining, Saladmaster, Gott fæði, Ísam, Sóla, Hugarflug, Urta, Eymudsson, Eyes land, Heilsumeistarskólinn, MFM miðstöðin og Flórida virkni.

Sjá nánar á heimasíðu sýningarinnar www.heilsaoghamingja.is.

Candida sveppasýking - einkenni og lyfjalaus meðferð

Út er komin bókin„ Candida sveppasýking - einkenni og lyfjalaus meðferð“ eftir þau Guðrúnu G. Bergmann og Hallgrím Þ. Magússon. Þessi bók kom upphaflega út árið 1995 og var svo endurprentuð 1997 og 1999. Vegna mikillar eftirspurnar er hún nú gefin út aftur en í þetta skipti betrumbætt og endurskrifuð í ljósi ýmissa nýrra rannsókna um þennan algenga en leynda kvilla.

Hér leggja Hallgrímur Þ. Magnússon, læknir, og Guðrún G. Bergmann, höfundur sjálfræktarbóka, saman krafta sína og fjalla á einfaldan og auðskiljanlegan hátt um það hvað candida sveppasýking er, helstu einkenni, hversu skaðleg hún geti verið líkamanum og hvernig hægt sé að öðlast góða heilsu á ný. Bæði hafa þau persónulega reynslu af þessum kvilla, en líka víðtæka fagþekkingu.

Fjallað er um fæðusamsetningu, á hvaða tíma sólarhrings helstu líffæri okkar starfa, hvernig best sé að takast á við breyttan lífsstíl, og margt fleira sem vekur okkur til vitundar um þá staðreynd að við sjálf getum stórlega bætt líðan okkar ef við veljum að borða hollari mat, þekkja líkamsstarfsemina betur og lifa heilbrigðu lífi.

Bókin er í kiljubroti, 150 bls. og prentuð hjá Svansvottuðu prentsmiðjunni Odda. Útgefandi er Bókaútgáfan Salka.

Smáskammtar frá Jörth

Jörth er nýtt fyrirtæki í eigu Birnu Ásbjörnsdóttur en hún er menntaður smáskammtalæknir (hómópati) frá The College of Practical Homeopathy, London. Hún hefur einnig menntað sig í næringarþerapíu (Nutritional therapy) og einstaklingsráðgjöf (Counseling).

Jörth ehf. er staðsett að Sólheimum í Grímsnesi og framleiðir og selur náttúruvörur ásamt því að veita ráðgjöf hvað varðar hollt mataræði og heilbrigðan lífsstíl. Fyrirtækið vinnur út frá strangri stefnu um umhverfisvæni bæði á framleiðslustiginu sem og í vali á innihaldsefnum og umbúðum.

Vörurnar - Smáskammtar: 
Allar jurtir eru villtar eða lífrænt ræktaðar og flestar eru þær tíndar hér á landi. Ef um sérstakar jurtir eða önnur náttúruefni er að ræða eru þau innflutt frá birgjum sem eru á svipaðri línu. 
Íslensku jurtirnar eru tíndar á ákveðnum tímum í tengslum við himintunglin en kallast sú tínsluaðferð „lífefld eða biodynamisk” (Sjá skýringar á wikipedia.org/wiki/Biodynamics). 
Þannig er kraftur jurtanna mestur og lækningamátturinn talinn meiri.  

Samsetning Smáskammta frá Jörth er einstök og ekkert í líkingu við þær sem til eru á markaði í dag.  Kenningar á bak við Smáskammtana koma úr nokkrum áttum en má nefna Smáskammtafræðin (Homeopathy), Mannspeki (Anthroposophy) og Næringarþerapíu (Nutritional Therapy).