Náttúran.is

Heildræn nálgun til heilbrigðis

Náttúrulækningafélag Íslands efnir til málþings í Hvammi, Grand Hótel, föstudaginn 12. október 2012 kl. 13:00 – 17:00

- Er blanda af hefðbundinni meðferð og viðbótarmeðferð viðurkennd?
- Er hugur og líkami órjúfanleg heild?
- Tölum við um sjúkdóma fremur en heilbrigði?
- Að leita jafnvægis - er það leið til heilbrigðis?
- Geta tilfinningar valdið sjúkdómum?
- Hvaða úrræði eru í boði?

Frummælendur:

• Hólmfríður Margrét Bjarnadóttir, hjúkrunarfræðingur M.Sc.
  Að meðhöndla hið stóra í gegnum hið smáa
• Arnbjörg K. Konráðsdóttir, kundalini jógakennari, jógískur ráðgjafi, bowentæknir og heilari.
  Hugleiðsla og jógaiðkun til lífs í jafnvægi
• Arnbjörg Linda Jóhannsdóttir, Dip.phyt. Lic.ac
  Viðbrögð líkamans við tilfinningalegu áreiti
  
• Anna Ottesen, sjúkraþjálfari B.Sc.
  Heilsan í öngstræti – hvað er til ráða?
• Sveinn Guðmundsson, doktorsnemi í mannfræði við Háskóla Íslands
  Læknar, hjúkrunarfræðingar og heildræn heilsa
• Bridget Ýr McEvoy, verkefnisstjóri í hjúkrun á Heilsustofnun NLFÍ
  Gjörhygli og slökun

Fundarstjóri: Haraldur Erlendsson yfirlæknir á Heilsustofnun NLFÍ

Fyrirspurnir og pallborðsumræður - Hollar veitingar í hléi

Allir velkomnir. Aðgangseyrir kr. 2.000 Frítt fyrir félagsmenn

Deildu með vinum

•   
•   
•   
•   
•   
•   
•   
•   
•   

Ofvirk á nammibarnum

Sú var tíðin að börn fengu að kaupa sér nammi yfir búðarborð fyrir smápeninga, svona rétt neðan í litla græna plastpoka. Á þeim tíma sem liðinn er síðan börnin mín voru lítil hafa hins vegar öll viðmið í þessum efnum brostið. Nú halda foreldrar börnum sínum til beitar í risastórum nammibörum í verslunum, þar sem miklu er hægt að moka á stuttum tíma fyrir lítið verð. Líklega eru nammibarirnir m.a. notaðir sem verðlaun, t.d. ef börnin hafa vælt óvenjulítið í búðarferðinni eða kannski beðið alla vikuna eftir að nammidagurinn rynni upp bjartur og fagur. Mig grunar sem sagt að foreldrar telji sig gera börnunum sínum greiða með því að veita þeim aðgang að þessum litskrúðugu kræsingum. En um leið er hugsanlega verið að stuðla að ofvirkni eða annarri hegðunarröskun, sem fáum þykir hátíðlegt að fást við, nema kannski þeim sem selja ritalín til að bregðast við vandanum. Rannsóknir benda nefnilega til að tiltekin litarefni í matvælum geti stuðlað að ofvirkni í börnum, og þessi litarefni eru að öllum líkindum til staðar í ríkum mæli í margnefndum nammibörum.

Varúðarmerkingar í nágrannalöndunum
Hugsanleg tengsl litarefna við ofvirkni í börnum eru ekki nýjar fréttir. Ég veit ekki hvenær fyrstu vísbendingarnar um þessi tengsl komu fram, en elstu niðurstöður sem ég man eftir að hafa séð eru frá árinu 2000. Síðar hafa fleiri rannsóknir bent í sömu átt, þó að skaðsemi litarefnanna hvað þetta varðar hafi ekki beinlínis verið sönnuð. Líkurnar þykja þó það miklar að Evrópusambandið hefur talið sig knúið til aðgerða. Með Evrópureglugerð nr. 1333/2008 um aukefni í matvælum var þannig lögfest sú skylda að öll matvæli (önnur en áfengir drykkir) sem innihalda umrædd litarefni skuli merkt með áletruninni “Getur haft óæskileg áhrif á hegðun og einbeitingu barna” (e: “May have an adverse effect on activity and attention in children”). Merkingarskyldan tók gildi í löndum Evrópusambandsins 20. júlí 2010, en ekki er enn búið að fella þessi ákvæði inn í íslenskt regluverk.

Hvaða efni eru þetta?
Litarefnin sem um ræðir tilheyra öll nema eitt flokki svonefndra azo-litarefna. Efnin eru oftast auðkennd með E-númerum, en framleiðendur mega þó tiltaka heiti þeirra í staðinn. Þar með flækist málið fyrir neytendur sem vilja forðast þessi efni, því að heitin á bak við E-númerin eru margvísleg. Eftirfarandi upptalning gefur nokkurn veginn tæmandi yfirlit yfir umrædd efni og mismunandi heiti þeirra:

* E102  Tatrasín (Cl Food Yellow 4, FD&C Yellow #5)
* E104  Kínólíngult (Cl Food Yellow 13, FD&C Yellow #10) (ekki azo-litarefni)
* E110  Sunset Yellow (Cl Food Yellow 3, FD&C Yellow #6, Orange, Orange Yellow, Para-orange, Yellow S)
* E122  Asórúbín (Karmósín, Cl Food red 3)
* E124  Ponceau (Cl Food red 7, Kochenillerautt A, New coccine, Nykockin)
* E129  Allúra rautt (Cl Food red 17)

Frostpinnar og fleira gott
Nammibarirnir eru ekki einu staðirnir þar sem þessi efni er að finna. Reyndar get ég ekkert fullyrt um málið hvað nammibarina varðar, því að enn hef ég hvergi séð nammibar með innihaldslýsingu, sem seljendum er þó skylt að setja upp!!! Það gefur manni reyndar tilefni til að óttast að þeir gleymi líka að hengja upp varúðarmerkin þegar reglugerðin tekur gildi hérlendis. Nei, efnin eru sem sagt víðar í notkun, svo sem í einhverjum drykkjum og í ýmsu sælgæti, jafnt innfluttu sem íslensku. Þessi litarefni eru meira að segja í flestum gerðum frostpinna frá a.m.k. öðrum af stærstu ísframleiðendunum hérlendis.

Þetta VAR bannað
Reyndar voru azo-litarefni bönnuð hérlendis þegar börnin mín fengu nammi í litlum grænum pokum. Bannið var hins vegar afnumið árið 1997 til samræmis við regluverk Evrópska efnahagssvæðisins. Neytendasamtök hérlendis og erlendis (m.a. í Danmörku) hafa um árabil ýmist barist fyrir því að þessi efni verði bönnuð eða hvatt framleiðendur til að hætta notkun þeirra, enda nóg til af öðrum efnum til sömu nota. Reglan um varúðarmerkingu er skref í þessa átt, en enn þykir mönnum skaðsemin ekki nægjanleg sönnuð til að hún réttlæti algjört bann. (Þarna er Varúðarreglunni að vísu snúið á haus).

Skilaboð til foreldra
Skilaboðin til foreldra eru einföld: Varist þessi efni. Börnin ykkar og þið sjálf eigið betra skilið!

Deildu með vinum

•   
•   
•   
•   
•   
•   
•   
•   
•   

Heilsuveisla í Súlnasal Hótel Sögu um helgina

Blásið er til Heilsuveislu í Súlnasal Hótel Sögu dagana, 19. - 20. febrúar 2011. Veislan er í formi fyrirlestra, kynninga, sýnikennslu og skemmtiatriða. Gestir fá heilsumat og ógrynni af upplýsingum og uppskriftum. Einnig verður heilsumarkaðstorg þar sem fyrirtæki er starfa innan þessa ramma kynna vörur sínar og þjónustu. Sérstök áhersla er lögð á llífrænar vörur.

Hér verða meistarakokkar á borð við Auði heilsukokk með sýnikennslu, innlendir framleiðendur, fulltrúar veitingastaða,  snyrtifræðingar, atvinnudansarar, nuddarar og margt fleira. Náttúran.is tekur þátt í veislunni og mun kynna þjónustu sína og gefa gestum Græn Reykjavíkurkort, veggspjöld og Náttúruspil.

Sérstakir gestir eru:

Anna Birna Ragnarsdóttir, Anna Claessen, Auður Ingibjörg Konráðsdóttir, Ásta Valdimarsdóttir, Benedikta Jónsdóttir, Bjargey Aðalsteinsdóttir, Edda Björgvinsdóttir, Heiðar Jónsson, Helga M. Bergsteinsdóttir, Kristbjörg Kristmundsdóttir, Kristín Vala Ragnarsdóttir, Kristján Viðar Haraldsson, Matti Oswald, Unnur Kolka Leifsdóttir og Yesmine Olsson.

Skipuleggjendur ráðstefnunnar eru; IceStat, NordicaSpa ehf., Heilsukokkur ehf., Edda Björgvinsdóttir og Markmið.

Sjá nánari upplýsingar um Heilsuveisluna hér.

Deildu með vinum

•   
•   
•   
•   
•   
•   
•   
•   
•   

Umhverfi og vellíðan boðar til aðalfundar

Félagið Umhverfi og vellíðan heldur aðalfund sinn í Menningarmiðstöðinni Gerðubergi þ. 1. nóvember nk. kl. 20:00.

Dagskrá:

1. Venjuleg aðalfundstörf
2. Erindi - Páll Líndal doktorsnemi í Umhverfissálarfræði.
   „Streita og umhverfi sjúkrastofnanna“.
   Í fyrirlestrinum mun Páll ræða um umhverfi sjúkrastofnana og hversu lítið er horft til sálfræðilegra þátta í því samhengi. Græn svæði kringum spítalana eru illa nýtt en þau mætti nýta miklu, miklu betur í lækningarskyni. Nálægð við græn svæði skiptir þar höfuðmáli og hönnun þeirra þarf að lúta ákveðnum reglum í því samhengi.
3. Verkefni samtakanna kynnt; a) Guðrún Ástvaldsdóttir segir frá gróðursetningu með börnum við Engjaskóla.
   b) Morten Lange greinir frá verkefni sem unnið er í samvinnu við bíllausan lífstíl. Samtökin munu ásamt þeim standa að fegrun hluta reiðhjólastígs í Grafarvogi.
   c) Rut Káradóttir og Páll Líndal segja frá verkefni samtakanna á göngudeild Landspítalans.
   d) Auður I. Ottesen segir frá gróðursetningargjörningi með foreldrum og starfsfólki leikskólans Nóaborg, en þar voru settir niður berjarunnar og ávaxtatré.

Markmið Samtaka áhugafólks um umhverfi og vellíðan eru meðal annars að skapa vettvang fyrir umræður, fróðleik og átaksverkefni á sviði umhverfismála. Á slíkum vettvangi geta ólíkir geirar samfélagsins deilt hugmyndum og miðlað af reynslu, sem gæti leitt af sér frjóa umræðu, hvatt til rannsókna, fræðandi skrifa, fræðslu og ábendinga sem leiða til umbóta. Slíkt leiðir mögulega til hvers kyns samvinnu og samheldni, auk þess sem nýir vinklar eða forsendur skapast. Hugmyndin er að stilla saman strengi þeirra sem láta sig varða umhverfisgæði og áhrif umhverfis á vellíðan. Samtökin mynda einnig þrýstihóp með áherslu á að sjónarmið umhverfisgæða og lýðheilsu fái meira vægi í þjóðfélagsumræðunni. Samtökin hafa frá stofnun staðið fyrir ýmsum verkefnum sem tengjast umhverfi og vellíðan. Þar á meðal eru verkefni í nærumhverfi Engjaskóla í Grafarvogi, rannsókn og umhverfisbreytingar á göngudeild krabbameinsdeildar Landspítala háskólasjúkrahúss, bætt umhverfi hjólreiða- stíga, berja og aldinrunnar á leiksólalóðir og verkefni sem kallast Heilnæmir garðar.

Formaður samtakanna Umhverfi og vellíðan er Auður I. Ottesen audur@rit.is.

Ljósmynd: Drengir rúlla drumbi. Gróðursetningarverkefni Guðrúnar Ástvaldsdóttur með börnum við Engjaskóla, Guðrún Ástvaldsdóttir tók myndina.

Deildu með vinum

•   
•   
•   
•   
•   
•   
•   
•   
•   

Að íhuga eins og tíbetar gera

Austurlensk heimspeki og búddatrú er um 2500 ára. Hæstu hæðum sínum hefur hún náð t.d. á hásléttu Tíbets, þar sem Dalai Lama ríkti áður en hann var hrakinn í útlegð af kínverjum. Það sem tíbetskir búddamunkar iðka öðru fremur er hugleiðsla og er nú hægt að fá kennslu í tíbetskri hugleiðslu hjá Hugleiðslu- og friðarmistöðinni, hugleidsla.is.
 
Kennarar eru Dagmar Vala Hjörleifsdóttir, dýralæknir og Halldór Jónsson, læknir. Skemmst er frá því að segja að ég skellti mér á námskeið, og hef nú þegar náð að þroska með mér gjörhygli (mindfulness) og slaka á.  Hugleiðslan er mjög góð slökunaraðferð og hægir jafnvel aðeins á hjartslætti og blóðþrýstingur lækkar. Ekki er um trúboð hjá kennurunum að ræða, en þeim sem vilja kynna sér tíbetskan búddisma nánar er bent á að setja sig í samband við félag búddista á Íslandi.
 
Farið er í gegnum bókina Diamond Mind eftir Rob Nairn, sem er orðin metsölubók í dag og gerðar ýmsar æfingar t.d. rúsínuæfingin vinsæla sem felur í sér að borða eina rúsínu á um 10 mínútum.
 
Ótrúlegt en satt. Þetta er hægt, og ég hvet alla sem eru að leita að nýjum leiðum til að ná tökum á hugsun sinni og slaka á að kynna sér hvenær næsta námskeið verður á hugleidsla.is

Deildu með vinum

•   
•   
•   
•   
•   
•   
•   
•   
•