Náttúran.is

Tökum höndum saman og stundum vistvæn innkaup!

Vistvæn innkaup snúast um að velja þá vöru sem er síður skaðleg umhverfinu og heilsu manna samanborið við aðrar vörur sem uppfylla sömu þörf og samtímis bera sama eða lægri líftímakostnað.

Til þess að auðvelda innkaup á vörum og þjónustu sem eru síður skaðleg umhverfi og heilsu hefur Náttúran.is tekið saman 11 viðmið sem spanna veigamestu þættina. Viðmiðin eru einföld og hjálpa til að nálgast markmiðið, það er að velja bestu vöruna út frá sjónarmiði heilsu, umhverfis og jafnvel félagslegum aðstæðum sem í daglegu tali eru nefnd sjálfbær þróun.

Hér í láréttu röðinni sérð þú táknmyndir fyrir viðmiðin og í lóðrettu röðinni táknmyndir ýmissa vörutegunda. Ef þú opnar flipann „Viðmið“ hér til hægri á síðunni og smellir á þessi tákn getur þú lesið þig til um hvert viðmið og vörutegund fyrir sig auk þess sem að auðvelt er að sjá hvaða viðmið eiga við hverja vörutegund þar sem viðeigandi viðmið eru sýnileg í láréttu línunni út frá vörunni.
Viðmiðin eru: Orka, eldsneyti, vatnsnotkun, ofnæmi, hættuleg efni / tilbúin efni, þungmálmar, öryggisblað, umhverfismerkingar, sanngirnisvottun, vinnuumhverfi og endurvinnsla.

Eitt eða fleiri af þessum viðmiðum eiga að meira eða minna leiti við um hverja einustu vöru. Um leið og við gerum okkur grein fyrir því eftir hverju þarf að leita til að velja vistvænstu vöruna verða vistvæn innkaup leikur einn.

En eins og með allt annað þá skapar æfingin meistarann. Jörðin okkar þolir ekki lengur þá rányrkju og vanvirðingu sem henni er sýnd í dag.

Tökum höndum saman og stundum vistvæn innkaup!

Náttúrumarkaðurinn

Vefverslun með hugsjón

Eitt af meginmarkmiðum Náttúrunnar er að veita neytendum samræmdar upplýsingar um umhverfisvænar og heilbrigðar vörur á óháðu markaðstorgi, þannig að þeir geti tekið upplýsta ákvörðun byggða á samanburði óvéfengjanlegra upplýsinga um vottanir, uppruna og tilurð vörunnar, hreinleika, samsetningu og förgun innihalds og umbúða.

Náttúran starfrækir netverslun sem býður söluaðilum tvo möguleika til að tengja vörur viðmiðum og innihaldslýsingum:

Annars vegar með því að skrá vörur (sjá verð hér að neðan) til kynningar eingöngu og hins vegar með því að skrá og selja vörurnar. Vörurnar tengjast þannig ítarefni um efni og innihald, umhverfisviðmiðum og förgunarleiðbeiningar svo fátt eitt sé nefnt.

Náttúrumarkaðurinn veitir fulla þjónustu, bæði litlum og stórum söluaðilum. Þannig sitja stærri og minni aðilar við sama borð, líkt og á stórum „náttúrumarkaði“. Neytendur geta rölt um og borið saman vörur úr öllum áttum og verið þess fullvissir að einn aðili sé ekki tekinn fram yfir annan á neinn hátt.

F - kubbur fyrir vörur á Náttúrumarkaði - vöruskráningu fylgir auglýsingabirting í slembivali

Verð á 12 mánaða skráningu vöru á Náttúrumarkað:

1 - 3 vörur - skráning á vöru (til sölu) 4.900*. Á vöru til kynningar (ekki til sölu) 9.800*
4 - 10 vörur - skráning á vöru (til sölu) 3.920*. Á vöru til kynningar (ekki til sölu) 6.840*
11 vörur eða fl. - skráning á vöru (til sölu) 3.330*. Á vöru til kynningar (ekki til sölu) 6.600*

*Öll verð í íslenskum krónum, án vsk. 50% afsláttur er af framlengingu skráningar eftir fyrsta árið.

Hvað er svona umhverfisvænt við að versla á Náttúrumarkaði?

Sjá hvernig verslað er á Náttúrumarkaðinum.

Sjá skilmála og skilareglur.

Sendu fyrirspurn eða óskir um skráningu á nature@nature.is eða hringdu í síma 483 1500.

Norrænu umhverfisráðherrarnir efla samstarf um sjálfbæra þróun

Norrænu umhverfisráðherrarnir hittust þann 31. október m.a. til þess að ræða sjálfbæra þróun og eftirfylgni við Rio+20 leiðtogafundinn síðastliðið sumar. Ráðherrarnir eru sammála um að styrkja UNEP og starfs þess að grænu hagkerfi. Þeir ræddu einnig aðgerðir til að takmarka skammlífa loftslagsáhrifavalda í framhaldi af norrænni yfirlýsingu frá því síðastliðið vor.

Ráðherrarnir lögðu á fundinum áherslu á mikilvægi þess að nota grænt hagkerfi sem verkfæri til þróunar í iðnvæddum og þróunarríkjum. Umhverfisáætlun Sameinuðu þjóðanna UNEP gegnir þar mikilvægu hlutverki og norrænu ríkin eru meðal helstu stuðningsaðila þess að efla UNEP á alþjóðavettvangi, og umhverfisráðherrarnir staðfestu þann stuðning á fundi sínum.

„Með því að styrkja umhverfisáætlun UNEP eflist vinnan við að þróa grænt hagkerfi og ný græn störf að auki. Aukin skýrslugjöf stórra fyrirtækja um umhverfismál er jafnframt mikilvæg til að þróunin verði í rétta átt. Á norrænum vettvangi viljum við fylgja þessu eftir og ekki síst efla starfið í tengslum við umhverfismerkið Svaninn, sem stuðlar að því að styrkja markað fyrir umhverfisvænar vörur og þjónustu", sagði Bård Vegar Solhjell umhverfisráðherra Noregs að loknum fundi.

Í mars sendu umhverfisráðherrarnir frá sér Svalbarða yfirlýsinguna, þar þeir mörkuðu stefnu um hvernig norrænu ríkin geta stuðlað að minni losun skammlífra loftslagsáhrifavalda.

„Mikilvægt er að ganga lengra, í norrænu og norðurskauts samhengi, í því að minnka losun skammlífra loftslagsáhrifavalda, þar sem þeir skipta miklu fyrir loftgæði og heilbrigði okkar, en einnig fyrir loftslagsáhrif og matvælaframleiðslu almennt", sagði Lena Ek umhverfisráðherra Svíþjóðar eftir ráðherrafundinn í Helsinki. Málið verður ofarlega á baugi í formennskuáætlun Svía í Norrænu ráðherranefndinni árið 2013.

Mikilvæg skilaboð frá Rio+20 var þörfin á því að efla skýrslugjöf fyrirtækja um sjálfbærni og að þróa aðferðir í viðbót við þær sem notaðar eru til að mæla verga landsframleiðslu til þess að endurspegla á réttan og yfirvegaðan hátt ástand þjóðfélagsins og umhverfisins.

Ráðherrarnir voru sammála um að Norðurlönd eigi og geti lagt sitt af mörkum til þessa og að þörf væri á þverfaglegu samstarfi á þessu sviði. Á formennskutíma Svía mun Norræna ráðherranefndin stefna að því að halda ráðstefnu um efnið.

Ráðherrarnir samþykktu einnig framkvæmdaáætlun fyrir norrænt umhverfissamstarf á árunum 2013-2018. Áherslusviðin eru græn þjóðfélagsþróun, líffræðilegur fjölbreytileiki, eiturefni hættuleg umhverfinu, loftslagsmál og loftgæði.

Ráðherrarnir samþykktu jafnframt að veita auknu fjármagni til umhverfismerkisins Svansins árið 2013 til að efla þróun nýrra vöruhópa með áherslu á loftslagsvæna framleiðslu.

Að fundi loknum hittu ráðherrarnir umhverfisnefnd Norðurlandaráðs til að ræða Rio+20 og framtíðarsýn fyrir umhverfismerkið Svaninn.

Ljósmynd: Norrænu umhverfisráðherrarnir samþykktu á fundi sínum þann 31. október nýja framkvæmdaáætlun fyrir norrænt umhverfissamstarf á árunum 2013-2018. áherslusviðin eru græn þjóðfélagsþróun, líffræðilegur fjölbreytileiki, eiturefni hættuleg umhverfinu, loftslagsmál og loftgæði. Ljósmyndari: Magnus Fröderberg/norden.org

Umhverfisstefna Náttúrunnar

Með vitundarvakningu og þátttöku almennra neytenda er hægt að nota markaðsöflin til þess að leysa mörg af þeim umhverfisverkefnum sem heimurinn stendur frammi fyrir í dag, hvort sem þau eru staðbundin eða hnattræn. Þetta vill Náttúran er ehf. gera með því að vera:

• fréttamiðill og veita neytendum óháðar upplýsingar um vörur og þjónustu sem tengjast náttúrunni, umhverfis-, félagslegum og/eða heilbrigðismálum og sjálfbærri þróun á einn eða annan hátt.
• vettvangur fyrirtækja og stofnana til að koma upplýsingum um vöru og/eða þjónustu, sem tengjast fyrrgreindum málaflokkum, á framfæri við neytendur á hlutlausan og trúverðugan hátt.
• markaðstorg þar sem neytendur geta keypt heilsusamlegar og umhverfisvænar vörur á hagstæðum kjörum.

Náttúran er ehf. leitar stöðugt nýrra leiða til að upplýsa neytendur um umhverfi sitt auk þess að minnka umhverfisáhrif af starfsemi fyrirtækisins og koma í veg fyrir mengun. Náttúran er ehf. á að vera fyrirmynd annarra í umhverfismálum og starfar í samræmi við íslensk lög og reglur.

Ný mynd frá Story of stuff

Hér er náglun Story of stuff á breytingar:

Sjá nánar á heimasíðu Story of stuff