Náttúran.is

AB Agriculture Biologique

AB Agriculture Biologique er franskt vottunarmerki um lífræna framleiðslu á landbúnaðarafurðum og vottar að varan hefur verið framleidd á lífrænan hátt og uppfylla öll skilyrði lífrænnar ræktunar skv. 9. og 15. grein Evrópureglugerðar (EEC) 2092/91. Matvæli þurfa að innihalda a.m.k. 95% lífrænt ræktað hráfefni til að fá BIO-vottun.

Sjá nánar á vef AB Agriculture Biologique.

EarthCheck Certified

EarthCheck (áður Green Globe) er viðmiðunar-og vottunarkerfi sem stuðlar að sjálfbærri ferðaþjónustu. Það er byggt á Dagskrá 21 og gefur fyrirtækjum og samfélögum tækifæri á að vinna á markvissan hátt að umhverfismálum. EarthCheck leggur áherslu á þá meginý ætti tengda umhverfinu, félags- og efnahagsmálum sem hafa mest áhrifa á umhverfið. Fyrirtæki í ferðaþjónusta og samfélög innan Earthcheck eru afð finna um allan heim og í helstu greinum innan ferðaþjónustunnar.

EarthCheck Certified er merki þeirra fyrirtækja og og samfélaga sem náð hafa Earthcheck fullnaðarvottun. Sjá þá aðila á Íslandi sem náð hafa fullnaðarvottun EarthCheck hér á grænum síðum.

Sjá alþjóðlegan vef  EarthCheck.

Grænir hælar hafa umsjón með vottunarkerfi EarthCheck hér á landi.

PEFC

PEFC er umhverfismerki óháðu samtakanna Programme for the Endorsement of Forest Certification. PEFC merkið tryggir að viðkomandi skógarafurðir séu framleiddar úr sjálfbærum skógum. Framleiðsluvörur merktar PEFC eru t.d. pappír, viðarkol, viður, viðarhúsgögn, pappamál o.m.fl.

Astma- og ofnæmissamtök Norðurlanda

Merki Astma- og ofnæmisstamtaka Norðurlanda.
Landssamtök astma- og ofnæmissjúklinga á Norðurlöndum veita ofnæmisprófuðum og samþykktum vörum í viðkomandi landi leyfi til að bera merki Astma- og ofnæmissamtakanna til þess að auðvelda astma- og ofnæmissjúklingum að finna vörur sem prófaðar hafa verið á viðurkenndan hátt og ekki eru taldar valda ofnæmi.

Sjá vef sænska vef samtakanna.

Plastmerkingar

Plastmerkin sjö gefa til kynna að plastefnið sé endurnýtanlegt eða endurvinnanlegt. Á Íslandi er úrvinnslugjald á heyrúlluplast og umbúðaplasti úr plastfilmu, stífu plasti, frauðplasti og öðru plasti. Gjaldið er lagt á til að greiða fyrir meðhöndlun umbúðanna og endurnýtingu eftir að þær hafa þjónað upphaflegum tilgangi sínum. Sjá nánar á vef Úrvinnslusjóðs.

Til þess að gera endurvinnslu plasts mögulega er nauðsynlegt að merkja tegundirnar sérstaklega því plast getur verið mjög mismunandi að eiginleikum.
Plastiðnaðurinn og aðrir hagsmunaaðilar hafa því komið sér saman um að merkja plastumbúðir og plasthluti með tölustaf í þríhyrningi (1 – 7) og skammstöfun fyrir viðkomandi tegund t.d. Nr. 2, HDPE; High Density PolyEthylene.

1. PETE (Polyetylentereftalat).
2. HDPE- PE-HD (Polyetylen, mikill þéttleiki).
3. PVC (Polyvinylklorid).
4. PE-LD (Polyetylen, lítlll þéttleiki).
5. PP (Polypropylen).
6. PS (Polystyren).
   
7. Aðrar plasttegundir