Náttúran.is

Samgönguvefur Orkuseturs

Orkusetur opnaði nýlega samgönguvef sem innheldur fjöldann allan af nýjum og uppfærðum reiknivélum sem aðstoða neytendur við minnka eldsneytisnotkun sína eða jafnvel skipta yfir í innlent og umhverfisvænna eldsneyti.

Einnig má finna síuppfærðar upplýsingar um stöðu bílaflotans og hvernig okkur gengur að að minnka olíunotkun og útblástur í samgöngum.

Skoðaðu hvaða einkunn bíllinn þinn fær (eyðsla og kolefnislosun) með því að slá inn bílnúmer þitt:

• Bílaeinkunn

Skoðaðu samgöngureiknivélarnar með því að slá inn bílnúmer þitt:

• Samanburður bíla
• Langt á lítranum
• Hvað kostar ferðin?
• Kolefnisbókhald
• Göngu- og hjólareiknir
• Hjólasparnaður
• Nýskráning bifreiða

Skoðaðu yfirlit yfir nýskráning bifreiða á Íslandi:

Eyðslu- og útblástursgildi

Rafbílareiknir

Skoðaðu metanreiknivélar:

• Metanreiknivél
• Metanbreytingareiknir

Fræðslufundur Matvælastofnunar um leyfileg aukefni í matvælum

Matvælastofnun heldur fræðslufund um leyfileg aukefni í matvælum þriðjudaginn 27. nóvember 2012 kl. 15:00 - 16:00. Á fundinum verður fjallað um nýútkomna aukefnalista sem skilgreina hvaða aukefni má setja í matvæli og reglur um notkun þeirra.

Aukefnalistarnir taka gildi þann 1. júní 2013 og eru þeir hluti af reglugerð nr. 978/2011 um aukefni. Fjallað verður um efnisatriði reglugerðarinnar, uppbyggingu aukefnalistanna og gagnagrunn Evrópusambandsins í þeim tilgangi að auðvelda fyrirtækjum að framfylgja ákvæðum reglugerðinnar. Upplýsingar um aukefnareglur má nálgast á vef Matvælastofnunar.

Fyrirlesari er Jónína Þ. Stefánsdóttir, fagsviðsstjóri hjá Matvælastofnun

Fræðslufundurinn verður haldinn í umdæmisskrifstofu Matvælastofnunar í Reykjavík að Stórhöfða 23.
Gengið er inn í húsnæði stofnunarinnar að norðanverðu (Grafarvogsmegin).

Allir velkomnir!

Social Banking - Hugmynd & veruleiki

Félag um Samfélagsbanka stendur að

Dagskrá um „Social Banking" - Hugmynd & veruleiki
Banki byggður á gagnsæi og trausti

Erindi flytur:

Annika Lauren bankastjóri „Ekobanken" í Svíþjóð

Ekobanken hlaut, ásamt tvemur öðrum samfélagsbönkum, Merkur bank frá Danmörku og Cultura bank frá Noregi, umhverfisverðlaun Norðurlandaráðs 2010.

í sal Norræna hússins sunnudaginn 18. nóvember  klukkan 15:00-16:30

Samfélagsbankar eru viðskiptabankar, sem hafa samfélagsleg markmið og sjálfbæra þróun að leiðarljósi. Mikilvægur þáttur í rekstri þeirra er algjört gagnsæi þar sem gefið er upp til hvaða verkefna þeir lána fé. Útlán eru eingöngu fjármögnuð með innlánum og ekki er stunduð spákaupmennska á fjármálamörkuðum.

• Félag um samfélagsbanka. Sigfús Guðfinnsson formaður segir frá félaginu, tilgangi og markmiðum í stuttu máli/ Á ensku
• Social Banking - Hugmynd og veruleiki. Annika Lauren, bankastjóri í sænska Ekobankanum, http://ekobanken.se/ segir frá reynslu sinni af uppbyggingu og starfi bankans./ Á ensku
• Sjónarhorn. Ivar  úr stjórn Ekobankans./ Á ensku
• Sparisjóðir á Íslandi, framtíðarsýn. Ari Teitsson, stjórnarformaður Sambands íslenskra sparisjóða / Á íslensku

Í framhaldi af  þessum erindum gefst gestum tækifæri til að taka þátt í upplýsandi umræðum um efnið. Umræðum stjórnar Katrín Ragnars.

Myndin er af Annika Lauren

Nýtnivika - nýtum og njótum

Nýtnivikan verður haldin hér á landi í fyrsta sinn vikuna 17. - 25. nóvember en markmið vikunnar er að draga úr myndun úrgangs og hvetja fólk til að nýta hluti betur. Vikan er samevrópsk og er ætlað að vekja fólk til vitundar um nauðsyn þess að lengja líftíma hlutanna eða gefa þeim nýtt hlutverk.

Dagleg neysla hvers og eins hefur áhrif á umhverfið. Við sem neytendur höfum mikið vald til að breyta framboði á vörum með neyslumynstri okkar. Bara með því einu að nota plastpoka oftar en einu sinni leggjum við eitthvað af mörkum í viðleitni til að draga úr myndun úrgangs. Þeim vörum sem við kaupum frá degi til dags fylgja umbúðir auk þess sem hluti þess sem við kaupum fer í ruslið án þess að vera notað. Talið er að árið 2008 hafi verðmæti matar sem hent var hér á landi verið rúmir 3 milljarðar. Úrgangur frá heimilum í Reykjavík sem ekki er flokkaður frá og endurnýttur eða endurnotaður er urðaður í Álfsnesi.

Reykjavíkurborg tekur þátt í Nýtnivikunni ásamt Neytendasamtökunum, Sorpu, Landvernd og Umhverfisstofnun ásamt öðrum sveitarfélögum á Íslandi og í Evrópu. Vikan verður helguð betri nýtingu hluta og að dregið sé úr myndun úrgangs.

Samkeppni um best nýtta hlutinn verður á fésbókarsíðu Reykjavíkurborgar, en þar geta allir tekið þátt og sent inn mynd af hlut sem er vel nýttur eða fengið hefur nýtt hlutverk. Veglegir vinningar verða í boði fyrir hvern þann sem sýnir frumlega nýtingu á gömlum hlut. Nánar verður sagt frá keppninni síðar í vikunni.

Reykjavíkurborg hvetur til betri nýtingu hluta og vitundarvakningar um að nýta og njóta þess sem í kringum okkur er.

Grafík: Nýtnispilið, borðspil fyrir alla. Ná í Nýtnispilið hér.

Landspítalinn kynnir nýja umhverfisstefnu og umhverfisáætlun

1.300 tonn af rusli falla til á Landsspítalanum á hverju ári. Rúmlega 1.277 tonn af sorpi féllu til við starfsemi Landspítalans í fyrra. 23 prósent fóru í endurvinnslu. Spítalinn notar rafmagn á við 4.600 heimili og heitt vatn á við 1.600.

Landspítalinn ætlar að grípa til ýmissa aðgerða til þess að minnka áhrif sín á umhverfið strax á næsta ári, samkvæmt nýrri umhverfisstefnu og umhverfisáætlun sem var kynnt í gær.

„Stefnan er vandlega undirbúin. Það komu margir að henni og við höfum líka verið að læra af reynslu erlendis frá. Þau virtu sjúkrahús sem við berum okkur saman við hafa gert frábæra hluti í umhverfismálum. Þau eru búin að sýna og sanna að tækifæri til að gera vel á sjúkrahúsum eru mikil. Aðgerðirnar bæta umhverfið en bæta oft líka heilsu starfsfólks og sjúklinga og leiða jafnvel líka til hagræðis. Við viljum gera enn þá meira af þessu," segir Birna Helgadóttir, verkefnisstjóri hjá Landspítalanum.

Stefnt er að því að minnka umfang rusls sem fer ekki í endurvinnslu um 400 kíló á dag með því að auka flokkun úrgangs og minnka notkun á einnota vörum. Nauðsynlegt er í mörgum tilvikum að nota einnota vörur vegna sýkingavarna, en í öðrum tilvikum verður þeim skipt út fyrir margnota.

Þá ætlar spítalinn að gera vistvænni innkaup og veita betri upplýsingar um umhverfismálin. Nú þegar hefur pappírsnotkun minnkað um nær helming frá árinu 2009. Spítalinn ætlar að grípa til hvetjandi aðgerða til þess að fá fleiri starfsmenn til að koma til vinnu með öðrum hætti en keyrandi.

Mynd: Birna Helgadóttir verkefnisstjóri umhverfismála hjá Landsspítalanum í viðtali við Stöð 2, sjá viðtalið og fréttina á Stöð 2 hér.