Náttúran.is

Fræðslu- og gönguferðir í Krýsuvík á Uppstigningardag

Næstkomandi fimmtudag, Uppstigningardag, mun náttúruverndarhreyfingin bjóða alla náttúruunnendur velkomna til Krýsuvíkur til viðburðar undir heitinu Verjum Krýsuvík!

Boðið verður upp á nokkrar léttar og fræðandi gönguferðir um svæðið. Geta þátttakendur valið þá göngu sem þeir vilja eða farið í allar göngurnar sem leiddar verða af staðkunnugum jarðfræðingum. Leitast verður við að svara spurningum um náttúru og sögu þess merkilega náttúru- og útivistarsvæðis sem Krýsuvík er. Af hverju er Grænavatn svona grænt? Af hverju eru hverasvæðin svona litrík? Hvað er svona merkilegt við jarðfræði Krýsuvíkur? Hvaða áhrif munu fyrirhugaðar virkjanaframkvæmdir hafa á svæðið?

Boðið verður upp á ókeypis sætaferðir með Kynnisferðum frá BSÍ kl. 10:15. Rútan mun einnig stoppa við N1 í Hafnarfirði kl. 10:30. Þeir sem ætla á einkabílum eru hvattir til að sameinast í bíla við N1 í Hafnarfirði kl. 10:30.

Dagskrá hefst í Seltúni kl. 11:00.

1. Hverasvæðið í Seltúni kl. 11:00
Gengið um litríkt hverasvæðið og fyrirbrigði þess skoðuð í fylgd jarðfræðinga.
Seltún hafnaði í orkunýtingarflokki í rammaáætlun.

2. Sveifluháls – Pínir kl. 11:30
Gengið verður upp að hvernum Píni ofan við Seltún. Örlítið ofar á hálsinum fæst
gott útsýni yfir fyrirhugað virkjanasvæði og næsta umhverfi.

3. Grænavatn – Austurengjahver kl. 12:15 – 13:30.
Frá hinu iðagræna Grænavatni og upp í Austurengjar er stutt en gefandi ganga. Austurengjahver var settur í biðflokk í rammaáætlun.

Að viðburðinum standa Náttúruverndarsamtök Suðvesturlands, Náttúruvaktin, Landvernd, Náttúruverndarsamtök Íslands, Framtíðarlandið, Fuglavernd og fleiri náttúruverndarsamtök.

Ljósmynd: Við Kleifarvatn, Guðrún A. Tryggvadóttir.

Sumardagurinn fyrsti

Harpa heitir fyrsti mánuður sumars. Nafnið virðist ekki mjög gamalt og finnst ekki á bók fyrr en á 17. öld. Merking þess er einnig óviss. Í Snorra Eddu er mánuður þessi kallaður gaulmánuður og sáðtíð.

Sumardagurinn fyrsti er fimmtudaginn á bilinu 19-25. apríl. Í gamla stíl var hann 9.-15. apríl. Mjög reið á því fyrr allan landslýð, að vorið og sumarið yrði gott. Því reyndu menn mikið til að spá fyrir sumrinu. Var þá ekki síst tekið mark á komu og hátterni farfugla, einkum lóunnar, spóans og hrossagauksins. Menn voru nokkuð sammála um, að öll vorhret væru úti, þegar spóinn heyrðist langvella: Úti vetrar þá er þraut þegar spóinn vellur graut. Varðandi hrossagaukinn tóku menn mark á því, í hvaða átt hann heyrðust fyrst hneggja. Gott var yfirleitt, að hneggið kæmur úr austri og suðri, en verra úr vestri og norðri: Í austri auðsgaukur suðri sælsgaukur vestri vesælsgaukur norðri nágaukur.

Einkennilega voru skiptar skoðanir um lóuna eftir landshlutum. Á Suður- og Vesturlandi þótti það almennt boða hart vor, ef lóan kom snemma, en á Norður- og Austurlandi var hún hinn mesti aufúsugestur því fyrr sem hún kom. Það er kannski ekki tilviljun, að alþekktar vorvísur tveggja skálda koma alveg heim við þessa skiptingu. Jón Thoroddsen af Vesturlandi segir: Vorið er komið og grundirnar gróa gilin og lækirnir fossa af brún syngur í runni og senn kemur lóa, þ.e.a.s. lóan kemur ekki fyrr en eftir að veðráttan er orðin góð. Páll Ólafsson af Austurlandi segir hinsvegar: Lóan er komin að kveða burt snjóinn.

Garðurinn - Leikvöllur

Börn sem leika sér úti eru að jafnaði hraustari en þau sem hanga mikið inni við. Hreint loft og átök við náttúruleg efni er uppbyggjandi fyrir alla, jafnt börn sem fullorðna. Ef aðstaða er til að koma fyrir sandkassa er það þess virði því sandurinn er eins og leir fyrir hugmyndaflug barnsins. Úr sandi má allt gera og ímyndunaraflið fær algerlega lausan tauminn. Það þarf ekki meira en svalir til að koma fyrir litlum sandkassa.

Ef garðskiki er fyrir hendi er róla, kofi eða rennibraut góð viðbót því börn una sér hvergi betur en þar sem þau hafa öryggi og frelsi til að skapa sér sinn eigin heim og hreyfa sig. Mikilvægt er þó að leiktækin fylgi þroska barnsins sem best og öryggi sé alltaf sett á oddinn. Leiktæki úr þykku plasti geta ekki talist umhverfisvæn og brotna seint eða aldrei niður. Viðurinn stendur aftur á móti alltaf fyrir sínu og er auk þess endurvinnanlegt efni. Þegar sandkassinn eða kofinn hafa þjónað tilgangi sínum má alltaf gera eitthvað annað úr honum.

Hjólum til framtíðar 2012

Að hjóla á köldum svæðum er leikur einn

Framundan er hjólaráðstefnan Hjólum til framtíðar 2012 – rannsóknir og reynsla í Iðnó 21. september kl. 9 - 16.

Í ár er áherslan á það sem efst er á baugi í heimi hjólavísindanna og reynslu þeirra sem hafa eflt hjólreiðar í sínu nærumhverfi. Rannsókn um hjólreiðar á köldum svæðum er eitt lykilerinda ráðstefnunnar. Þar kemur fram að öflugasti hópur hjólreiðamanna borgarinnar Oulu er á aldrinum 15 – 25 árs og um 30% þeirra hjóla árið um kring allra sinna ferða í allt að 30 stiga frosti. Til samanburðar hefur þessi hópur hjólandi verið nánast ósýnilegur á Íslandi.

Til landsins koma virtir vísindamenn með fyrirlestra frá Bretlandi og Finnlandi. Einnig verða innlendar hjólatengdar rannsóknarniðurstöður og rannsóknir kynntar auk þess sem farið verður yfir reynslu einstaklinga, fyrirtækja og sveitarfélaga af eflingu hjólreiða.

Katrín Jakobsdóttir menntamálaráðherra, Jón Gnarr borgarstjóri og Dr. Ari Kristinn Jónsson rektor HR munu ávarpa ráðstefnuna. Þorsteinn Hermannsson samgönguverkfræðingur verður fundarstjóri dagsins.

Þetta er önnur ráðstefna Hjólafærni á Íslandi og Landssamtaka hjólreiðamanna sem haldin er í Evrópsku samgönguvikunni. Á síðasta ári héldum við Hjólum til framtíðar og nú er það Hjólum til framtíðar 2012- rannsóknir og reynsla. Á næsta ári, 20. sept. 2013, verður það Hjólum til framtíðar 2013; réttur barna til hjólreiða.

Hjólum til framtíðar 2012 – rannsóknir og reynsla, er samvinnu verkefni fjölmargra aðila. Hjólafærni á Íslandi og Landssamtök hjólreiðamanna skipuleggja ráðstefnuna í góðri samvinnu við Reykjavíkurborg, Vegagerðina, Landlæknisembættið, Háskóla Íslands, Háskólann í Reykjavík, Ferðamálastofu og fleiri góða aðila.

Skráning á ráðstefnuna er hér: Hjólum til framtíðar 2012; skráning Skráningu lýkur á miðnætti 19. sept.

Aðgangur að ráðstefnunni er 4.500 kr. og 2.000 kr. fyrir námsmenn og hjólandi almenningi.  Erindin hennar verða aðgengileg á vef Landssamtaka hjólreiðamanna www.lhm.is eftir ráðstefnuna.Sent út á netinuÞeir sem eiga lengra að sækja geta fylgst með ráðstefnunni í beinni útsendingu á netinu þannig að hún á að vera aðgengileg áhugasömum um víða veröld. Leiðbeiningar til að tengjast eru hér að neðan.

1.Uppsetning á nýjustu útgáfu Java:
Til að byrja með er nauðsynlegt að tryggja að tölvan sé með nýjustu útgáfu af Java-forritinu (er á öllum tölvum en ekki víst að þið séuð með það nýjasta). Þannig að best er að byrja á að fara inn á www.java.com, hlaða þar niður nýjustu útgáfu (áberandi hnappur á miðjum skjánum) og setja upp.
Þetta getur tekið nokkrar mínútur.

2.Tengjast fundinum:
Til að tengjast fundinum er farið inn á þessa vefslóð sem verður virk skömmu áður en ráðstefnan hefst:
https://fundur.thekking.is/startcenter/Join.xhtml?sinr=257111354&sipw=nv64
Athugið að samþykkja þau skilaboð sem upp koma en í flestum tilfellum kemur tvívegis upp gluggi þar sem smellt er á „run“. Eftir það á fundur að hefjast.

Allar nánari upplýsingar veitir Sesselja Traustadóttir, framkvæmdastýra Hjólafærni á Íslandi í s. 864 2776
hjolafaerni@hjolafaerni.isNánari upplýsingar og dragskrá má einnig skoða á vef Landssamtaka hjólreiðamanna: http://lhm.is/hjolad-til-framtidar-2012

Dagskrá

Hreinsum hraunin á degi íslenskrar náttúru!

Hraunvinir, félag áhugamana um byggðaþróun og umhverfismál í Hafnarfirði, Garðabæ og á Álftanesi, hafa boðað aftur til hreinsunarátaks í hrauninu sunnan og vestan við Straumsvík. Átakið er unnið í samvinnu við grunnskóla, fyrirtæki og stofnanir í Hafnarfirði og ýmsa aðra sjálfboðaliða. Sambærilegt átak var fyrir ári og tókst með afbrigðum vel.

Hreinsunarátakið hefst föstudaginn 14. september með þátttöku grunnskólabarn í þremur skólum í Hafnarfirði, en allur almenningur er hvattur til þátttöku á laugardainn og sunnudaginn k. 13:00.

Farið er inn á svæðið af Reykjanesbraut og inn á gamla Keflavíkurveginn, beint á móti fjárhúsum við Lónakot, norðan við Reykjanesbrautina við akrein að Hvassahrauni og síðan til baka að gamla Keflavíkurveginum.