Náttúran.is

Opið hús hjá Garðyrkjuskólanum Reykjum

Verið velkomin í Garðyrkjuskólann Reykjum í Ölfusi (við Hveragerði) á sumardaginn fyrsta þ. 25. apríl nk. frá kl. 10:00-18:00

Nú eru ríflega 50 nemendur við nám á garðyrkjubrautum LbhÍ að Reykjum, á fjórum brautum, blómaskreytingum, garð- og skógarplöntuframleiðslu, skrúðgarðyrkju og ylrækt. Hefð er fyrir því að bjóða vorið velkomið með hátíðardagskrá á sumardaginn fyrsta.

Á markaðstorgi verður til sölu grænmeti, blóm, grænmet s.s. brakandi ferskt hnúðkál, kryddjurtir o.fl. Kaffi og veitingar til sölu á kaffistofunni. Hægt að heimsækja hitabeltið í bananahúsinu og pottaplöntusafnið. Afhending Garðyrkjuverðlaunanna 2013 og andlitsmálning og leikir fyrir börnin.

Ljósmynd: Vorboðinn, Guðrún A. Tryggvadóttir.

Grænir dagar í Háskóla Íslands

Sjötta árið í röð stendur Gaia félag meisaranema í umhverfis- og auðlindafræði við Háskóla Íslands fyrir Grænum dögum.

Allir fyrirlestrar og aðrir viðburðir Grænna daga fara fram á ensku.

Mánudagur - 18. mars

12:00-12:30 Opnunarathöfn Grænna daga á Háskólatorgi - Ávörp flytja; Svandís Svavarsdóttir umhverfis- og auðlindaráðherra, Kristín Ingólfsdóttir rektor Háskóla Íslands og Davíð Fjölnir Ármannsson formaður Gaia auk þess sem hann mun afhenda umhverfisverðlaun Grænna daga.
12:30-13:10 Fyrirlestur: Vistvænni ferðamáti - Hostelling International í Árnagarði - stofu 304 - Juan carlos De Barutell og Guido antonio di Carlo fjalla um hvernig við getum ferðast um á vistvænni hátt en við gerum í dag.
18:00-19:00 Rusla-ganga frá Háskólatorgi Farfuglaheimilinu Vesturgötu
19:30-20:00 Eco-Snarl á Farfuglaheimilinu Vesturgötu
20:00-21:00 Frumsýning heimildamyndar + Umræður - „Waste = Food“ á Farfuglaheimilinu Vesturgötu - Heimildarmynd sem fjallar um hugmyndafræði William McDonough og Michael Braungart „Frá vöggu til vöggu“ (e. Cradle to Cradle) og hvernig við getum dregið úr skaðlegum áhrifum manna á umhverfi og náttúru.

Þriðjudagur – 19. mars

10:00-14:00 Básar frá Hostelling International og Landvernd á Háskólatorgi
11:00-12:30 SEEDS Workshop á Háskólatorgi
11:00-15:00 Fataskiptamarkaður á Háskólatorgi
12:30-13:10 Fyrirlestur: Alda, Sköpun sjálfbærra þorpa, Askja-Room 131 - Fulltrúi Öldu, félags um sjálfbært lýðræði, fjallar um sjálfbær þorp og hugmyndir þess efnis
17:00-18:00 Fjarfyrirlestur: William McDonough, Cradle to Cradle, HT-105 - William McDonough verður í beinni frá San Francisco og mun fjalla um Cradle to Cradle Hugmyndafræðina. Fundarstjóri er Dr. Brynhildur Davíðsdóttir.
20:00-21:00 Frumsýning heimildamynda: Umhverfis –stuttmyndir í Stúdentakjallarinn
21:00-22:30 Pubquiz Grænna Daga í Stúdentakjallararnum

Miðvikudagur - 20. mars

10:00-14:00 Básar frá SEEDS og Sorpu á Háskólatorgi
11:00-12:30 SEEDS Workshop á Háskólatorgi
12:30-13:10 Fyrirlestur: „Eating our way to sustainable food design“ Reynsla verðlaunahafa Ecotrophelia 2012 í aðalbyggingu – stofu 207 - Elín Agla Briem og Sigríður Anna Ásgeirsdóttir fjalla um reynslu sína af hönnunarsamkeppninni Ecotrophelia 2012
20:00-21:30 Frumsýning heimildamyndar: „Chasing Ice“ í HT-105

Fimmtudagur – 21. mars

11:00-15:00 Fataskiptamarkaður á Háskólatorgi
12:30-13:10 Fyrirlestur, Sjálfbærni listum og nýsköpun í Gimli – 102 - Guðmundur Oddur (Goddur) frá Listaháskóla Íslands og Þorsteinn Ingi frá Nýsköpunarmiðstöð Íslands fjalla um sjálfbærni í listum og nýsköpun
20:00-21:30 Frumsýning heimildamyndar: „Home“ í HT- 105

Föstudagur – 22. mars

12:30-13:10 Fyrirlestur: „ Sjálfbærni í fatahönnun“ í Lögbergi – 103 - Fatahönnuðirnir Elínrós frá Ella Design og Bóas Kristjánsson fjalla um sjálfbærni í fatahönnun.
17:30 - Workshop: „Að ferðast í sjálfbærri framtíð“ í LOFT Hostel - Umræðuvettvangur um upplifum fólks á ferðalögum, umhverfismálum og sjálfbærni í ferðamáta framtíðarinnar
21:00-01:00 Tónleikar Grænna daga í Stúdentakjallaranum - Boogie Trouble - 1860 – Kanilsnældur

Jólabasar í Lækjarbotnum

Waldorfleikskólinn Ylur og Waldorfskólinn í Lækjarbotnum halda sinn árlega jólabasar laugardaginn 17. nóvember frá kl. 12:00 -17:00.
Margir fallegir hlutir verða í boði bæði í umhverfi og stemmningu sem hverjum og einum er hollt að upplifa, m.a. brúðuleikhús, barnakaffihús, veiðitjörn, eldbakaðar pizzur, jurta apótek, tónlist á vegum nemenda, tívolí og munir þar sem hugur mætir sköpunarkrafti handanna.

Dagskrá:

Kaffi og kökur, handverk, jurta apótek kl. 12:00 - 17:00
Brúðuleikhús kl. 13:00 og 15:00
Eldbakaðar pizzur og tónlist kl. 12:00 - 15:00

• Veiðitjörn er í höndum 1. -  2.bekkjar en þar veiða börn pakka úr hafinu.
• 3.-4. bekkur sjá um barnakaffihús en þar fá fullorðnir einungis að versla í fylgd með börnum.
• 5.-6. bekkur er með tívolí.
• 7.-8. bekkur er með happdrætti.
• 9.-10. bekkur matreiðir eldbakaðar pizzur í Skemmunni.
• Menningaratriði nemenda eru í Skemmunni
• Brúðuleikhús er í höndum kennara skólans en þar er blandað saman brúðum, sögustund og tónlist.
• Börn og foreldrar allra bekkja skólans og leikskólans hafa unnið handverk og búið til jurta apótek.

Sjá staðsetningu Waldorfskólans í Lækjarbotnum hér á Græna kortinu.

Um Waldorfuppeldis- og kennslufræði:

Ráðstefna um útinám og náttúruleg leiksvæði

Alþjóðleg ráðstefna um útinám og náttúruleg leiksvæði verður haldin á Menntavísindasviði  Háskóla Íslands, Reykjavík frá 31. maí til 2. júni 2012.

Ráðstefnan mun skapa vettvang fyrir fagfólk og almenning til að deila þekkingu og reynslu á þessu sviði, með því að bjóða upp á fyrirlestra, umræður, kynningar og vinnusmiðjur.

Fyrirlesarar hafa fjölbreytan bakgrunn í félags- og uppeldisfræðum, frístunda- og ungmennastarfi, landslagsarkitektúr og á heilbrigðis- og eftirlitssviði. Þeir munu fjalla um útinám, náttúruleg leiksvæði, áhrif náttúrlegs umhverfis á þroska barna og hættumat á Íslandi og erlendis.

Ráðstefnan er opin öllum sem starfa við og/eða hafa áhuga á útinámi, sem eru til dæmis kennarar, landsslagsarkitektar, verkfræðingar og nemar í þessum greinum, fólk sem vinnur í frístundastarfi, foreldrar og auk þess fulltrúar frá hinu opinbera.

Umsóknarfrestur til skráningar er til 15. apríl 2012.

Markmið ráðstefnunnar er að:

• kynna jákvæða eiginleika útináms, skógarleikskóla og náttúrulega leikvelli,
• búa til alþjóðlegan vettvang til að deila þekkingu um útinám,
• skapa umræður um áskoranir, hættur og ævintýri tengdu útinámi,
• skapa tengsl milli atvinnufólks og leikmanna á þessu sviði,
• kynna hvernig hægt er að virkja fólk í heimabyggð til að taka virkan þátt í því að skapa náttúruleg leiksvæði með því að nota svæðisbundin hráefni og þjónustu og
• kenna þáttakendum að skapa náttúruleg leiksvæði sem uppfylla kröfur um CE staðla vegna öryggi leikvalla.

Með „náttúrulegu leiksvæði“ er átt við stað sem er tileinkaður börnum við leik utandyra, gerður úr náttúrulegum hráefnum, t.d. timbri, vatni, grjóti, sandi og/eða mold. Þar sem áhersla er á að halda í fjölbreytileika í landslagi og gróðri sem fyrir er eða aðgengilegur á svæðinu.

Einföld mannvirki svo sem „leiktæki“ vísa þar gjarnan í svæðisbundna menningar- og sögulega arfleifð. Úrval af lausu hráefni hvetur börnin til að vera virk, hvatvís, forvitin og skapandi og að vera í tengslum við náttúruna. Það örvar skilningarvit og almennan þroska auk þess sem það eflir tilfinningaleg tengsl við umhverfi þeirra. Náttúrulegum leiksvæðum er m.a. ætlað að vekja forvitni barnanna, löngun þeirra til að uppgötva, skapa ævintýri og þeim er ætlað að bæði skapa aðstæður til að slaka á og/eða bjóða upp á opin svæði til að vera í t.d. hópleikjum sem krefjast áreynslu og úthalds.

Stýrihóp mynda: George Hollanders, Sarka Mrnakova, Kristín Dýrfjörð Háskólanum á Akureyri og Jakob Frímann Þorsteinsson, Háskóla Íslands.

Hægt að hafa samband í síma 892 6804 eða senda fyrirspurn á utinam.island@gmail.com.

Ljósmynd: Daníel skoðar jurtir, Guðrún A. Tryggvadóttir.

Námskeið í Háskóla Íslands um erfðatækni, umhverfi og samfélag

Læknadeild HÍ býður nú upp á námskeið á MS stigi sem er opið nemendum Heilbrigðisvísindasviðs og Verkfræði- og náttúruvísindasviðs. Námskeiðið verður kennt sem lotunámskeið aðra vikuna í ágúst. Samkvæmt kennsluskrá er efni námskeiðsins lýst á eftirfarandi hátt:

Erfðatækni hefur verið í örri þróun síðustu ár og er nú orðið ómissandi tæki í margskonar grundvallarrannsóknum í lífvísindum. Hún hefur einnig verið hagnýtt í læknisfræði, landbúnaði og iðnaði. Mikil átök hafa orðið um hvort rétt sé að sleppa erfðabreyttum lífverum út í umhverfið og nýta afurðir sem unnar hafa verið úr þeim. Settar hafa verið mjög strangar reglur víða um heim sem takmarka nýtingu þessara lífvera. Umræðan í samfélaginu er oft óvægin og mótast oftar en ekki af takmarkaðri þekkingu á málefninu. Í námskeiðinu verður farið yfir hvað felist í erfðatækni og hvernig megi nýta þessa tækni í grunnrannsóknum, læknisfræði, landbúnaði og matvælaiðnaði. Lögð verður áhersla á að fjalla um málið frá öllum hliðum og kynntir verða bæði möguleikar og takmarkanir við beitingu tækninnar, þ.m.t. hugsanlegar hættur fyrir heilsu manna og umhverfið. Námskeiðið er opið öllum sem stunda framhaldsnám við ríkisháskólana fjóra í greinum sem eiga sér snertifleti við nýtingu erfðatækni, t.d. í líffræði, læknisfræði, búvísindum og umhverfis- og auðlindafræði. Fastir kennarar úr samstarfsnetinu munu halda fyrirlestra um efni á sínu sérsviði auk þess sem gestakennarar verða fengnir til þess að fjalla um hagnýtingu erfðatækni í atvinnulífinu og stefnumörkun stjórnvalda á þessu sviði. Nemendum verður ætlað að rýna valdar vísindagreinar og fjalla um þær á gagnrýninn hátt. Þeir munu einnig flytja stuttan fyrirlestur um efni sem valin verða af kennurum.

Þetta væri ekki frá sögu færandi ef staðreyndin væri ekki sú að allir sem koma að kennslunni (að einum undanskildum) eru meðal 37 menninganna sem skrifuðu undir áskorun til alþingis gegn tillögu að þingsáliktunartillögu um að Ísland banni ræktun erfðabreyttra lífvera undir berum himni. Áreiðanlegar heimildir innan háskólans herma að þessi eini aðili hafi verið erlendis þegar undirskriftum var safnað og að hann sé þeim sammála.

Kennarar námskeiðsins eru þessir: Áslaug Helgadóttir, LBHÍ, Jón Hallsteinn Hallsson, LBHÍ, Eiríkur Steingrímsson, HÍ, Magnús Karl Magnússon, HÍ, Ólafur S. Andrésson, HÍ, Arnar Pálsson, HÍ, Zophonías O. Jónsson, HÍ, Kristinn P. Magnússon, HA og Oddur Vilhelmsson, HA.

37 menningarnir sem skrifuðu undir ofannefnda áskorun til alþingis:

• Matvælastofnun (1)
• Sigríður Björnsdóttir, dýralæknir hrossasjúkdóma hjá Matvælastofnun
• MATÍS (2)
• Anna Kristín Daníelsdóttir, sviðsstjóri, Matís
• Guðmundur Óli Hreggviðsson, fagstjóri, Matís
• LBHÍ (5)
• Ágúst Sigurðsson, rektor og búfjárerfðafræðingur  LBHÍ
• Áslaug Helgadóttir, prófessor í jarðrækt og plöntukynbótum, LBHÍ
• Emma Eyþórsdóttir, dósent í búfjárerfðafræði,  LBHÍ
• Jóhannes Sveinbjörnsson, dósent í fóðurfræði,  LBHÍ
• Jón Hallsteinn Hallsson, lektor, Auðlindadeild  LBHÍ
• HR (2)
• Karl Ægir Karlsson, dósent, Tækni- og verkfræðideild, HR
• HA (2)
• Kristinn P. Magnússon, dósent, Auðlindadeild HA.
• Oddur Vilhelmsson, dósent, Auðlindadeild HA.
• Hólar (1)
• Ólafur I. Sigurgeirsson, lektor, Fiskeldisdeild Hólaskóla.
• Keldur (5)
• Ástríður Pálsdóttir, sérfræðingur, Tilraunastöð HÍ í meinafræði að Keldum.
• Bergljót Magnadóttir, sérfræðingur, Tilraunastöð HÍ í meinafræði að Keldum.
• Bjarnheiður K. Guðmundsdóttir, sérfræðingur, Tilraunastöð HÍ í meinafræði Keldum
• Edda B. Ármannsdóttir, sérfræðingur, Tilraunastöð HÍ í meinafræði að Keldum.
• Sigurbjörg Þorsteinsdóttir, sérfræðingur, Tilraunastöð HÍ í meinafræði að Keldum.
• Líf- og umhverfisvísindadeild HÍ (5)
• Arnar Pálsson, dósent, Líf- og umhverfisvísindadeild HÍ.
• Guðmundur Eggertsson, prófessor emerítus, Líf- og umhverfisvísindadeild HÍ.
• Guðmundur Hrafn Guðmundsson, prófessor, Líf- og umhverfisvísindadeild HÍ.
• Ólafur S. Andrésson, prófessor, Líf- og umhverfisvísindadeild, HÍ.
• Snæbjörn Pálsson, dósent, Líf- og umhverfisvísindadeild HÍ
• Lyfjafræðideild HÍ (1)
• Már Másson, prófessor, Lyfjafræðideild, HÍ.
• Læknadeild HÍ (10)
• Eirikur Steingrímsson, prófessor, Læknadeild, HÍ.
• Guðmundur Þorgeirsson, prófessor og deildarforseti Læknadeildar, HÍ.
• Helga M. Ögmundsdóttir, prófessor, Læknadeild HÍ.
• Jón Jóhannes Jónsson, dósent, Læknadeild HÍ.
• Jórunn E. Eyfjörð, prófessor, Læknadeild HÍ.
• Magnús K. Magnússon prófessor, Læknadeild, HÍ.
• Pétur Henrý Petersen, lektor, Læknadeild HÍ.
• Sigurður Guðmundsson, forseti Heilbrigðisvísindasviðs HÍ.
• Stefán Þ. Sigurðsson, dósent, Læknadeild, HÍ.
• Þórarinn Guðjónsson, dósent, Læknadeild HÍ.
• Íslensk Erfðagreining (3)
• Kári Stefánsson, forstjóri Íslenskrar erfðagreiningar.
• Unnur Þorsteinsdóttir, framkvæmdastjóri erfðarannsókna, Íslenskri erfðagreiningu
• Þórunn Rafnar, framkvæmdastjóri krabbameinsrannsókna, Íslenskri erfðagreiningu
• BioPol (1)
• Bjarni Jónasson, verkefnisstjóri, BioPol sjávarlíftæknisetur

Kallaðir verða inn gestafyrirlesarar – Helga Margét Pálsdóttir (MAST, fjallar um reglugerðir varðandi EB fæðu),  Ásgeir Björnsson (UST – fjallar um reglugerðir vegna nýtingar  erfðabreyttra lífvera), Guðni Elísson (HÍ, fjallar um deilur vegna erfðatækni), og Þorvarður Árnason (Rannsóknstofnun HÍ á Höfn), sem fjallar um varúðarregluna.

Athyglisvert er að ekki hefur verið tilgreindur fyrirlesari til að fjalla um áhrif erfðanbreyttrar fæðu á heilsu manna og dýra.

Alvarlegur galli á þessu námskeiði er að það virðist vera tilkomið af pólitískum en ekki fræðilegum ástæðum. Athygli vekur að eini plöntulífeðlisfræðingurinn sem hefur hafið upp raust sína gegn ræktun erfðabreyttra lífvera – og það á fræðilegum og yfirveguðum grundvelli þ.e. Kesara  Anamthawat Jónsson er ekki hluti af þessi teymi og maður spyr sig hvers vegna?

Ljósmynd: Bygg, Guðrún A. Tryggvadóttir.