Náttúran.is

Bíldekk - Svanurinn

Svansmerkt bíldekk

Með bíldekkjum er átt við bæði ný og sóluð dekk fyrir fólksbíla, fólks- og vöruflutningabíla,
hvort heldur sem um sumar- eða vetrardekk að ræða. Nagladekk eru hins vegar undanskilin og fást ekki svansmerkt.

Umhverfismerking
Norræna umhverfismerkið Svanurinn var stofnað í þeim tilgangi að að auðvelda þér og öðrum neytendum að finna vörur er hafa sem minnst skaðleg áhrif umhverfið. Kröfur Svansins miðast við allan lífsferil vörunnar/þjónustu, frá vöggu til grafar. Það þýðir að áhrif vörunnar eru metin allt frá hráefni til úrgangs, og miðast kröfur Svansins við að lágmarka umhverfisálag vegna vörunnar. Það getur verið flókið mál að meta umhverfisáhrif vara og finna þá umhverfisvænstu. Svanurinn einfaldar málið og auðveldar þér að skapa betri framtíð!

Svansmerkt bíldekk

• Eru laus við eitraðar úrgangsolíublöndur á slitflötum
• Uppfylla kröfur um lágt viðnám
• Valda minni hávaða
• Eru framleidd í verksmiðjum sem uppfylla ákveðnar kröfur hvað umhverfismál snertir
• Uppfylla ákveðnar gæðakröfur
• Eru prófuð af óháðum aðila, sem hefur hvorki faglegra né fjárhagslegra hagsmuna að gæta

Ný eða sóluð dekk?
Hægt er að fá ný dekk með Svansmerkingu, en einnig sóluð. Sóluð dekk eru gömul, slitin dekk, sem eru endurnýtt með því að sjá þeim fyrir nýjum slitfleti. Þetta sparar bæði peninga, orku og hráefni í samanburði við ný dekk.
Til að tryggja að gæði svansmerktra, sólaðra dekkja standist samanburð við það sem gengur og gerist með ný dekk, eru gerðar strangar kröfur til framleiðenda.
Orku- og hráefnis-sparnaðurinn sem vinnst með framleiðslu sólaðra dekkja eru mikilvægir þættir þegar hugað er að umhverfisáhrifum bíldekkja, en fleiri þættir spila þar inn í
líka. Það er hægt að framleiða ný dekk á afar mismunandi hátt, sem hefur mismikið
álag á umhverfið í för með sér. Þannig að ef þú vilt frekar ný dekk en sóluð, passaðu þá að þau séu svansmerkt, því þannig geturðu verið viss um að dekkin þín valdi umhverfinu
minni skaða en önnur, sambærileg dekk.

Engin úrgangsolía
Svokallaðar HA-olíur eru gjarnan notaðar til að drþgja og mýkja gúmmíið í slitfleti bíldekkja, enda þykja þær þægilegar til þess arna. Hér er hins vegar um eitraða úrgangsolíu að ræða, sem fellur til sem aukaafurð olíuhreinsunarstöðva.
Fjöldi krabba-meinsvaldandi efna hefur fundist í þessari olíublöndu, sem einnig er mjög skaðleg umhverfinu til lengri tíma litið, enda brotnar hún bæði hægt og illa niður í náttúrunni og getur safnast upp í lífverum. Olían berst út í umhverfið, bæði andrúmsloft, jarðveg og vatn, með örsmáum gúmmítætlum sem myndast þegar dekk slitna.
Í dag er hægt að nota önnur efni í sama tilgangi, efni, sem hafa alveg sömu eiginleika og þessi úrgangsolía hvað dekkin snertir, en eru óskaðleg umhverfinu. Þau eru vissulega eitthvað dýrari en á móti kemur að ávinningurinn fyrir umhverfið er mikill.

Norræna umhverfismerkið Svanurinn leyfir ekki notkun á þessari eitruðu úrgangsolíu í Svansmerkt dekk. Þú getur lagt þitt af mörkum til að draga úr notkun þessa óþarfa og miður geðslega hráefnis með því að velja Svansmerkt dekk.

Lítið viðnám
Þegar þú velur Svansmerkt dekk ertu jafnframt að velja dekk með lítið viðnám. Óháður aðili hefur gengið úr skugga um það, enda er það skilyrði fyrir Svansmerkingu. Dekk sem snúast án teljandi viðnáms draga úr eldsneytisneyslu og þannig sparar eigandinn fé um leið og hann verndar umhverfið.

Drögum úr hávaðanum!
Umferðarniður og hávaði af völdum umferðar er fyrst og fremst rakinn til núnings dekkjanna við akbrautina, þótt vélarhljóðið hafi einnig sitt að segja. Þessi hávaði er truflandi jafnt fyrir þá sem eru í umferðinni og þá sem búa og starfa í næsta nágrenni við akbrautir hvers konar. Það er hægt að hljóðeinangra bílana og setja upp hljóðmanir meðfram stærstu umferðargötunum, en best er auðvitað að losna einfaldlega við hávaðann. Það verður
sjálfsagt aldrei hægt, en Svansmerkt dekk uppfylla ákveðnar kröfur, sem miða að því að draga úr hávaðanum svo sem kostur er.

Svanurinn á Netinu
Kröfur Norræna umhverfismerkisins Svansins um bíldekk eru yfirgripsmiklar og margþættar. Þær eru endurskoðaðar og hertar á fjögurra ára fresti í takt við vísindalegar framfarir og tækniþróun á þessu sviði. Því getur aldrei nema hluti þeirrar framleiðslu sem í boði er á
dekkjamarkaðnum uppfyllt kröfurnar og fengið umhverfismerkið - og það er alltaf sá hluti, sem lengst er kominn í umhverfismálum hverju sinni.

Prentverk - Svanurinn

Prentverk - prentað efni

Prentverk
Umhverfismerking Svansins á prentverki nær yfir dagblöð, tímarit, vörulista, símaskrár, auglýsingabæklinga og bækur, einnig minnis-, stíla- og reikningsbækur af ýmsu tagi. Merkingin fæst eingöngu á hverja vörutegund fyrir sig, ekki á prentsmiðjuna sem slíka.

Prentverk og umhverfið
Umhverfisáhrif hvers kyns prentverks má að stærstum hluta rekja til framleiðslunnar á uppistöðuhráefni þess, þ.e.a.s. pappírsmassa og pappírsins sem prentað er á. Það er því grundvallarforsenda Svansmerkingar á prentgripum að pappírinn sem prentað er á uppfylli einnig kröfur Svansins. Þær taka meðal annars til orkunotkunar, eðlis og nýtingar skóga og losunar mengandi efna út í umhverfið við framleiðslu pappírsins og pappírsmassans. Þetta er nánar útfært á upplýsingablaði um Svansmerktan pappír.
Við framleiðslu prentgripanna sjálfra eru einnig notuð fjölmörg kemísk efni, sem geta haft skaðleg áhrif á umhverfið, sérstaklega lífríki votlendis og vatnakerfa, ef þau komast í tæri við það. Þar sem endingartími stórs hluta prentgripa (svo sem dagblaða og tímarita) er afar stuttur er gerð krafa um að auðvelt sé að endurvinna þá.

Andoxunarefni

Hvað er andoxunarefni?

Á Vísindavef HÍ er því svarða þannig til:
Orðið oxun (e. oxidization) merkir upphaflega það að ein eða fleiri súrefnisfrumeindir bætast við frumeindir eða sameindir annarra efna. Af efnafræðilegum ástæðum er orðið síðan einnig haft um það þegar vetnisfrumeind er fjarlægð. Við oxun geta myndast svokölluð sindurefni (e. free radicals) sem hafa eina eða fleiri óparaðar rafeindir og eru því mjög hvarfgjörn. Sindurefni geta bæði valdið lifandi frumum skaða og skemmt matvæli. Andoxunarefni, einnig kölluð þráavarnarefni, hlutleysa sindurefni með því að veita þeim þær aukarafeindir sem á vantar til að fylla ysta hvel þeirra. Þetta gerir sindurefnin stöðug og kemur í veg fyrir skaðleg áhrif þeirra. Sjá nánar á Vísindavefnum.

NOW® Mangoni TM er einstakur „súper-ávaxta“ andoxunarkokteill sem sameinar í einni blöndu 7 af hvað mest andoxunarvirku ávöxtum heimsins. Þessi sérstaka uppskrift er þrisvar sinnum virkari en hefðbundnar mangóafurðir og hefur ORAC*-gildi sem nemur um 80.000 á flösku, mælt við áfyllingu.

Sjá Mangoni ávaxta-andoxunarkokteil hér í vefversluninni, Náttúrumarkaðinum.

Heilsumeistaranám á Íslandi

Heilsumeistaraskólinn - School of Natural Medicine

Heilsumeistaraskólinn býður upp á 3ja ára nám í fræðum sem helst mætti kalla lífsstílsnám. Skólinn tók til starfa sl. haust og hægt er að sækja um skólavist fyrir næsta vetur til 15. júní nk. Heilsumeistaranámíð miðlar þekkingu í heilsuvernd sem er án inngripa s.s. skurðaðgerða og lyfja og styðst við faglega leiðsögn og náttúrulegar aðferðir og efni til uppbyggingar heilsunnar.

innihald námsins byggir á: Lithimnufræði, grasalækningum, hagnýtum náttúrulækningum og samþættingu eftirfarandi þátta: djúptenslasvæðanudd, djúptengslakjarnaolíunámi, blómadropum, lifandi fæði og upplifun og endurnýjun.

Kennarar við skólann eru: Dr. Farida Sharan, Lilja Oddsdóttir, Gitte Lassen og Kristbjörg Elín Kristmundsdóttir.

Heilsumeistari er íslenska þýðingin á Naturopath á ensku og Heilpraktiker á þþsku.

Sjá vefsvæði skólans. Hafa samband.

Kalk

Kalkþörf líkamans eykst á meðgöngutímanum, sér í lagi síðustu þrjá mánuðina. Kalk fæst úr mjólk og mjólkurafurðum og svo úr korni, grænu grænmeti, möndlum, sesamfræi, sólkjörnum og fleiru, það kalk ný tist sérlega vel. Ef þú vilt ekki eða getur ekki drukkið venjulega mjólk er til sojamjólk fyrir þá sem fella sig við bragðið, eða þú getur lagað þína eigin sojamjólk og valið það bragð sem þú vilt.

Mjólkurneysla hefur minnkað til muna síðari ár. Það stafar trúlega af fjölbreyttari matarvenjum með nýrri kynslóð, sem að auki drekkur gos- og kóladrykki í stað mjólkur, og deilum manna um gæði kúamjólkur. Sumir telja hana bestu vörnina gegn beiný ynningu, aðrir telja hið gagnstæða og benda gjarnan á að þar sem beiný ynningarvandamálið sé verst sé mest drukkið af mjólk. Svo eru það þeir sem telja kúamjólk einungis fyrir kálfa.